
        Downloaded from GNOVELS.COM.NG
        
 
This Novel is downloaded from https://GNOVELS.COM.NG
to download more hausa novels visits our site at www.GNOVELS.COM.NG 

For feedback and support

Facebook : https://facebook.com/gnovels 

Twitter : https://twitter.com/gnovels 

Telegram : https://t.me/gnovels 

        ﻿Sanadin Boko 2-1
Posted by ANaM Dorayi on 05:26 PM, 18-Sep-15
Under: SANADIN BOKO
Duk gidan da na shiga kalmar iri daya ce,wato baya
shigowa. da hanxari na nufi gidan su maman rahma,ita
bata nan ma sai matar wansu tace min shadad bai xo
ba, na dawogida na sake duba ko'ina, rijiya a datse da
kwado, don haka ban kawo xaton ya fada ba. na dubi
takalman shi da takardun makarantarshi da yake hm
work, sai naji kuka ya kufce min. nayi-nayi,sannan na
mike na sake fitowa, wata daga cikin makotana ta same
ni tsaye kofar gida ina ta leke-leke,tace "kin ko gan shi?
nace,"a'a." cikin muryar kuka tace "ikon Allah, to ke ina
ki ka tafi ki ka bar shi?
nace,bakin kasuwa naje, kuma nakan bar fa. tace da
kin sani nan gidanmu ki ke turo shi in xa ki fita.kila
fakonki aka yi kina fita aka xo aka dauke shi, na tsura
mata ido. su wanene xa su dauke shi? tace, oho.mugu
yana nuna kanshi? aka dauki babba ma bare yaro, ke
dai wannan rayuwa tamu ba sai dai addu'a ba. nace,to
su wanene xa su fake ni?ban jira amsa ba na juya cikin
gidan,tamkar mai shirin daukan wani mataki.tace,kije
ofishi 'yan sanda ki kai rahoto,ban juyo ba kuma ban
tanka ba, a tsakar daki na zauna gwaraf,idanuna suna
ta kai kawo guraran yin 'yan tsalle-tsallen shi, naji na
fashe da kuka.
hakika wadanda suka daukar min yaron nan ba su min
adalci ba, don bani da wanda ya fishi duk fadin kano,
naci kukana ma ishi, bani da mai bani hakuri, na share
hawaye. abu tamkar wasa, sai gashi har anyi kiran
sallar azahar,jikina a mace nayi sallah,ina zaune ina
addu'a hawaye na bin kumatuna, sai naji sallamar
maman su rahma,na amsa ba tare da na share
hawayan ba. ta shigo tana cewa, hafsa kin ko ga
maigidan nawa? sabon kuka ya kufce min, cikin muryar
mai kuka nace wallahi har yanxun mama, tace na dawo
kawai sai suke fada min wai kun xo neman
shadad,hankakinki tashe.
na ko ro mata wajibin duk abubuwan da suka faru,
zama tayi rike da baki tana salati, tace lai finki ne in
gidan mu yayi nisa ki rike hannun abunki kije dashi
mana, angaya maki yanzu kaza batafi dan adam ba ne?
Wlh sai kaza ko rago yayi yawanshi han kali kwace
amma bil adam yana tafe ana cinikinsa, na sake
fashewa da kuka, nace mama tunfa bai kai haka ba ina
barinshi a gida, tace to yanxu me zaki fadawa dangin
uban shi da iyayenki? Na mai maita kalmar dangin
ibanshi? A cikin raina. Sallamar shi ne cikin murna ta
ka tseni, anty na yau mun sha yawo da uncle dina, ya
fado jikina, munje gurin wasa na hau doki da duniyar
sama, mun sha ice cream, harma muka dau hoto. Ban
bari ya sake cewa wani abuba na dagoshi na watsa
mai wani irin mahaukacin mari, ya yanke da wani ihu
sai ganin uncle din nashi mukayi a sukwane ya fado
cikin gidan. Na han kadar dashi ya fadi na bishi da
duka
maman rahama tana a a-a a, ban tsaya ba ina dukanshi
ina kuka. Shi kuwa uncle din nashi yana tsaye. Mama
cikin jin haushi ta wanka min mari, tace ke ma
haukaciyar ina ce? Za ki rufe dan wanan yaro da duka?
Na dubeta ina kuka, mama wanan yaron yana jefani
cikin damuwa, uban wanene yace yafita ba nanan
saboda ya raina ni? Uncle din shi ya sa hannu ya dauke
shi, yasa a kafada yana lalashi, shi kuwa sai tsala kuka
yake. Cikin daurewar fuska yace, nasan haka zata faru,
shi yasa ma na daukeshi ki san cewa kina kasada, ina
sone kiji halin da zaki shiga in wani yai gaba dashi saka
makon kasadar ki. Ya dubi maman rahama yace, mama
don Allah ba kasada bane tatafi ta bar yaro shi daya,
mai zai sa ba zata tafi dashi ba? Mamar rahama tace
sakarya, nima yanzu na gama yimata fada, gwara da ka
gwada mata hakan. Ni ko cikin takaici da masifa nace,
ina ruwanka da shi? Menene hadinku da zaka zo ka
dauke shi, shi shigi da kalata. Bai tankani ba, kilama
bai fahimci hausar tawa ba. Mama tace jacan sakara,
na shige daki bansani ba haushin daukar yaron nake ji
ko farin cikin dawowarshi? Mama ina ji tana cewa kayi
shuru. Kyale ta, kai kuma dana ka kyauta da kayi mata
wanan ba razanar. Shi kuwa cikin hausarsu ta filani
yola yake cewa, amma mama nikam banji dadin dukan
nan da tayi mashi ba fa, da ma ni ta buga zanfi jin
dadin hakan
don nine na buga ya bude na tafi dashi. Na motsa ranta
ne dan ta gane hakan na iya faruwa, in nace zan fada
mata da baki bazata saurareni ba. Mama tace haka ne,
ai hafsat shu‘uma ce, bayan yayi shuru, da kyar ya
mikawa mama shi. Gashi mama, don Allah ki bata
hakuri, na san cewa na taba ranta, amma fa kada ta
sake dukan shi. Mama tace kada ka damu, gulmace ta
sata dukanshi bakaga yanda ta haukace tana neman
shi tana kuka ba. Yace Allah sarki! Ban san ko nawa ya
ciro ba, naji dai yace mama ga wanan ki sai goro,
sanan na jiyo murmushi yana cewa hafsat sai anjuma
ko? Ban tamka ba mama ta shugo tana cewa, kinga
harda kudi ya bani don Allah kiyi mashi godiya. Ta
kwonto shadad a jikina, na turo baki nifa ban sanshi ba
daga bikin rahama ya liki men. Wlh na rasa yanda zan
yakice shi. Ta ce keko yarnan sai kace wace mujinta
ya mutu da kurwarki? Nifa na tambayi rahama da lilin
kin jama‘ar ki ta ke shai da mun tun rasuwar baban
wanan yaro ne gashi kunyi zaman mutunci, to banda
abinki hafsa itafa rayuwar duniya haka take kuma Allah
ya fimu sanin abinda ya dace gare mu, don haka ki
kula. Tan tahakiliki kila ya maye maki gurbin miji naki.
Nace to na fada ne ba dan na amince ba sai don kada
mama taga naki zancenta sanan ina son abar maganar
cikin tarkace kayan zakin da ya sayowa shadad ne na
ga hoton da suka dauka kala 3 sunyi kyau har wata
zuciyar tace na yaga su sai kuma wata ta gargadeni da
cewa mutumin nan bai cancaci haka a bayan idon sa
ba. In kinyi masa a gaban idonsa yanzu sai ki mutunta
hotonsa ko dan danki don haka sai na hakura na ajiye
masa. Anfi saty banji duriyar shi ba hakan yayi min dadi
shadad ne kanyi min zancen sa in na bala mashi harara
sai yayi shuru don tun da na dakeshi yake dari dari da
zancen uncle din sa. Nan na fahimci wani abu ga yaro
shi yaro dan ja a jiki ne zagi duka baya gyara yaro
janshi a jiki nuna mashi soyaya cusa mashi tsoron Allah
yi mashi nasiha tare da bashi lbr magabata. Suna tai
makawa gurin tarbiyya bana dukan shadad na fi yi
masa duk abubuwan da na lisafa amma yau daya da na
dukeshi duk ya shiga tai tayin sa. Kenan in baka yawan
dukan yaro yafi tsoron dukan
sannan ya fi jin magana. Wanan tunanin da nayi shiyaja
na sake janshi a jiki, da dadare ya gama cin abinci yayi
home work, nace ya bani lbr duk abinda ya faru a
makarantar su. Nan zan tajin wane ya iya karatu wane
ko an tada ya kasa, mun yi masa shem, nace kai fa ka
kasa ko? Yace, ina yi anty, har antyn mu tace wai nine
nafi kowa zan sake cin na 1 yanzu, nace to ka kara
kokari har a islamiyya ka dage, yace uncle yace in na
sake cin na 1 zai mun kyauta da ya so ko, uncle din shi
sai na watsar da zancen. Nayi shuru ina tunanin yanda
zanyi ga adashan da na kwasa gidan su maman
rahama dubu 20 a hannuna kudin da naci burin inyi
rigista da su, kuma ga kudin makarantar shadad, in ban
da da ba cikin satyn nan zasu koro shi, kuma ni an
kusa rufe rijista wata zuciya tace, tunda baki taba lattin
biya ba kije ki nemi alfarmar suyi maki uziri, nan gaba
sai ki basu. Don haka washegari naje naje nayi rigista
ta, har kwana 4 ba sukori shadad ba, muna home work
na ce wanan karon makarantar ku sunyi dagi amma
gobe zanje in basu hakuri kada su koreka. Yayi caraf
yace, anty an bani rasit wai na biya, ya tashi da gudu
ya nufi ja karshi yana cewa, anty yau anyi kora ma,
cikin mamaki na amshi rasit din ina dubawa, na shekara
daya aka biya nace shadad wa ya biya maka kudin
makaranta? Ya juya hannu tare da cewa ban sani ba.
Da mamaki na kwana, da safe kuwa makarantarsu
muka nufa kai tsaye bayan ya shiga aji ofishin mai
karbar kudin makarantar, muka gaisa ta ganeni, nace
shadad yazo da rasit wai an biya mashi kudin
makaranta, wanda nasan ban kawo ba
tace uncle dinshi bai fada maki zai biya ba? Na kasa
magana, tace to shine ya zo ya biya na shekara 1. Sai
sabuwar shekara zaki soma biya kudi. Da kyar na ce to
shi kenan, na fita na nufi makaranta rai na a bace. Shi
wanan habubakar din ba za ya fita hanyata ba kenan?
Shi ma yana son dole sai ya cika burinsa a kai na.
Tabdijan! Duk ranar da yasake gigin hada ido danine
zan rufe idona ne in zage shi tas, yanda zai bar
rayuwata ta huta. Abubakar lamido kyakyawan saurayi
bafulatanin jahar adamawa dan yola, tuki yake cikin na
tsuwa har ya isa gidansu tamgameme da ke bayan PZ,
ya ajiye motar a mazaunin ta, sannan ya fito cikin
takun na tsuwa ya nufi cikin gidan. Yan mata ne 2 a
wadatacen palon duk kansu 1, sai dai in ka kali
fuskarsu zaka gane daya tayi tsawon kafa ne, ta taras
da yar uwarta. Suka amsa sallamarsa, karamar ta taso
da sauri tana cewa (cikin harshen fillanci) sannu da
dawowa hamma. Ya rumgumota gefen shi cikin
harshen turanci ya ce mata. Yaya makaranta? Ta amsa
da lafiya. Babar ta dubeshi da murmushi tare da
mikewa tsaye dan girmama shi. Hamma sannu. Yace
rukayya sannu da gida, ina dada tana ciki? Suka ce eh,
tana ciki tare da baki. Ya nufi dakin shi, ummi tana rike
da hahhun shi. Ya zauna bakin gado ya dubeta. Me
kuka dafa? Tace tuwon semo da miyar kubewa danye.
Je ki kawo mun shi kuma ya tube ya dan watsa ruwa
ya tasa tuwon agabanshi amma ya kasa ci, tun lokacin
da yaga hafsat ya ganeta daga muryarta duk da girman
da tayi, bai sa ya kasa ganeta ba. Yana son sanin mai
ya faru bayan da ya barta. Ina su innarta? Ina babanta?
Me yasa ta canja daga mai tsananin wasa zuwa ma
fadaciya? Me yasa ta canja daga mai son mutane zuwa
me kin mutane? Mai yasa ta canja daga mai son tai
mako zuwa mai kin tai mako?
wata zuciyar tace ita kadaice zata baka wanan amsar.
Tunanin ya katse lokacin lokacin da yaji hannun ummi a
bayan shi, yasani ita ce dan suna mayukar shiri da ita.
A hankali ya dago kai ya dubeta, ta tsura wa fiskarshi
ido, tana da kishin yaransu kamar yanda aka san fulanin
adamawa da yola nayi, da wuya kaji sunayin wani yare
in ba nasu ba. Shi kuma abubakar ya fi mai da musu da
turanci, haka ma abban su. Tace hamma me ya faru
ne?Baka ci tuwonba kuma gashi kana ta tunani. Yayi
dan murmushi tare da cewa ummi, me kika gani ne?
Tace baka ci towon ba kuma gashi kana ta tunani. Yayi
murmushi tare da cewa ummi kenan! Gajiya nayi yau,
shiyasa kika ganni haka ya janyo tire ga banshi tare da
cewa, zauna muci. Tace nikam na koshi, kaci sai in
fitar da kayan, kuma bakin dada suntafi ta fito. Yace
to. Ya dan tsa tsakala ya ture, ummi tace hmma ni sai
nake kallon kamar ba gajiya bace, in mutun ya gaji in
yayi wanka yana cin abin ci sosai, kafin yayi bacci
gajiyar ta tafi. Ya dubeta ko? Tace, eh, yayi murmushi.
To me ke damuna? Tace, ina kallon kamar tunani
kakeyi ko? Yayi murmushi har dan sauti yafita, san nan
yace to tunanin me? Ta juya hannunta tare da cewa
oho. Ya lumshe ido. Ummi tana burgeshi yarinyar tana
saurin fahimta shi yasa suke shiri yarinyar tana sonshi
fiye da sauran yan uwanta
shi ma yana yana son yarinyar, ta katse shi gashi kana
sake yin wani tunanin? Yace tunaninki nake ummi, tace
tunanina? To me nayi? Yace saurin fahimtar ki, tayi
murmushi, to na gane cewa kana tunani kenan? Yace
eh tace to tunanin me kakeyi? Ya mike zan fada maki
amma yanzu muje wajen dada. Mahaifiyar tasu tana
kokarin kashe TV din da rukayya ke kallo tare da yin
fada cikin harshen fillanci. Na fada maki bana son
yawan kallon nan, in kin gama rubutun to kije kicin kiyi
min wanke-wanke. Zatayi magana sai ta fasa, saboda
ganin hamma. Ta mike ta nufi kicin din. Da girmamawa
ya gaida dadar su, ummi tace su ya findo sun tafi?
Yace dama sune kuka ce min baki? Da na shiga mun
gaisa ai, tace sune kuma saboda kaine suka zo. Anjuma
zamu zauna da kai in babanku ya dawo. Ya dan ware
ido, gurina? Ta nufi daki tana cewa in mun zauna
zakaji, nima na gaji. Ummi ta dube shi, hamma ka zabi
mata? Yace in na zaba kece zaki fara sani, ta ce zaku
fara fada da dada kamar yanda kukeyi da abba. Nasani
dada zatayi maka zancen aure ne, don lamido ya tarasu
da baka nan kaje kano bikin abokin ka ya mai da
hankali sosai gurin ta, suwa ya tara? Tace su faffa
dukansu, harda fafa na abuja da abba da su gogo
dukansu. Ya danyi di, tabbas ya kure kakan nasu, yau
kwana 3 da dawowar shi amma ba wanda yace mashi
komai? Yayi a jiyar xuciya me suka ce? Tace abba ya
fada dada amma bata fada mana komai va, amma dai
lalai saboda kai lamido ya hada taron, yace shi yasa
tun da na dawo abba da dada suke daure min fuska har
nayi zaton da na dade a kano ne
musalin 9 wayar shi tayi kuka, yadaga ya duba afili
yace abba. Tare da kalon hashim. Nawa zan tafi, abba
na kira na. Ya dauki wayar cikin fillanci abba ke fada
mashi yana jiransa, yace to gani nan. Yace nikam na
boni hashim gara ka bonin, in kuma baka da lfy ne ka
fada mana. Abubakar yayi dariya, kaima ka daina goyon
baya na? Yace eh, na daina tunda har da iskanci, ace
kaf dangi baka ga matar aure ba? Kowacce kace baka
so mugashi har munyi yara. Abubakar yace, in nayi
aure yan bibiyu zan haifa kaga sai in kamo ku. Ya daga
murya yana cewa, shatu na tafi. Yace to ka gaida gida.
Abubakar lamido shi ne da na farko a gurin ma haifiyar
shi, hajiya fatima wada suke kira da (dada) da alhaji
ibirahim lamido wanda suke kira abba. Duk wanda yake
garin yola yasan lamido abubakar (family) saboda
dukiyarsu da kuma akidarsu ta kin auran bare. Suna da
yawa matuka, sam basa son su bada yayan su waje
kokuma dan su ya auro, basu taba ba tun kaka da
kakanni, haka suke har yau. Lamido yana da yaya
kusan 30 da yankai, maza da mata. Matan sa 4 ne,
kuma dukansu dangin shi ne alhaji ibrahim shi ne da na
3 gurin mahaifiyar su gogwal, wace itace matar farko,
haka shine wanda ya fara yin kudi fiye da mahaifin su
kafin kanansa su biyo baya. Lamido abubakar sarkine a
wancan lokacin, mai fada aji, kafin ya sauka ya ba
baban danshi sa‘a du maifin hashim. Lamido yanada
tsutsuran ra‘ayi a kan auren waje, duk yayanshi maza
saidai yace shirya kaje wajen wance yar baffanka ko
yar gogonka, inko macece sai dai yace wane zai zo ki
shirya
ko jikokinsa haka ne abbukar su 7 ne gurin
mahaifinsu,usman ke bin sa, sai umar, sai aiyu sai
kasim, sanna rukayya sai auta hauwa'u, sunan gogwal
ta ci suna ce mata ummi. shi ko abbukar sunan
mahaifin lamido yaci, kakan babanshi kenan, shi yasa
lamido ke san shi duk cikin jikokinsa yafi son baban shi
abbukar kaf family hammam suke kiran abbukar don
girmamawa. yana da wani irin kwarjini mai ban mamaki
ga farin jini kowa na son shi, bugu da kari ya taso
hannun shi sake, ma'ana yana da yawan kyauta. ya
sanka bai sanka ba in yana da shi xa ya baka, shi yasa
kawunan shi da goggonin sa su yafendon sa har su
baffan shi kowa na son hama ya auri yarsa. su kan su
yanmatan cikin family suna son sa, wasu har sun yi
masa maganar, wasu sun aiko amma baice ma kowa
kala ba. abbukar mutum ne da yake tsayiwa kan
ra'ayinsa, a tsarinsa baya sha'awar macen da xata ce
tana son shi, yafi son yaga mace da kansa yace yana
sonta, matsalar shi duk cikar family bai ga wadda ta
mishi ba, duk kuwa da kyawun yanmatan
yana cikin maxan da kyau baya tsarin shi. a yanxu haka
yana da (mastets digree) a fannin kasuwanci, yana jan
kamfanonin abban su ne yayin da abban ke hutawa,
tun kusan shekaru 7 bay, lamido ke zaba mishi
yanmata yana cewa sai yayi master xaya yi aure. a
tarihin gidan su shi ne da na farko wanda ya karya
dokar lamido, ya ki yi aure a lokacin da ya bukata,
bayan ya kammala karatu ya soma aiki.lamido ya kira
shi yace mishi abbana, ina son ka shiga da kanka gidan
baffanninka da ggonninka ka duba mata, in ma da xan
zaba maka da kaina sai in ce kaje gidan baffanka na
abj yaransa suna da kyau.
Abubakar ya dubi kakansa, lamido nifa ba mai kyau
nake so ba, kaikam sakarai ne saikace ba dan boko ba?
Kowa yana son mace mai kyau, yace ban da ni, akwai
wasu halaye danake son matata ta kasance dasu, a dan
bani dama in tantance. Lamido yace to ubana, na baka
wata 2 lokaci ishashe ya isheka kayi duk bin cikenka,
abubakar yace na gode. Wata 2 har da saty 2 lanido
yaji abubakar shuru, dan haka sai yasake aikowa ayi
mashi kinran abubakar, wanda ya kasance cikin wanan
kiran a kowanne lokacin. Abin da ya kudirta shine ba za
ta taba kai kanshi gurin lamido ba, har sai lokacin da
ya kirashi. Ba yan salan isha‘i ne ya sami lamido a
gidan shi, cikin falonshi mai tsari irin na masu kudin da,
duk da haryanzu a kwai kudin bai damu da canja tsarin
falon ba, don ya masa. Ya zauna tare da gaida lamido,
sannan ya sunkuyar da kai, lamido yace cikin yar
tsokana, abba na nasan kana da kara ko da ka zaba
mace ba zaka iya zuwa gabana ka fada ba. To dan
matso ka fada mun gidan wa kaga matarka? Wacece
tayi sa‘ar samun namijin duniya kamarka? Abubakar ya
lumshe ido sanan ya sunkuyar da kai yace, gaskiya
lamido saboda aiyuka bansamu zuwa ko ina ba. Fuskar
lamido ya canja daga fara‘a zuwa daurewa. Sannan
yace duk tsawon lokacin nan bakaje ka aiwatar da
abinda muka zanta da kai ba, don baka dauki abun da
muhim manci ba? Yace, a a yanayin aiki ne. Lamido
yace yayi kyau yau wace rana? Abubakar yace alhamis,
yace to gobe in an taso sallar juma‘a ka kira hashimu
kuzo ina nemanku.


Zaharaddeen Shomar
whatsapp 08168575100


Sanadin Boko 2-2
Posted by ANaM Dorayi on 05:46 AM, 19-Sep-15
Under: SANADIN BOKO
Abubakar yace to. Lamido yace tashi kaje, bai amsa sai
anjuman da abubakar yace masa ba. Duk da abubakar na
sane yaku ma dawo gida daga ofis, bayan salar juma‘a
sai ya kishin gida har dan bacci ya soma daukar shi,
sannan yaki kiran hashim ya fada mashi kamar daga
sama sai yaji an doki kafadar sa,
ya bude ido yaga hashim tsaye, yace har ka iso?
Hashim yace na iso ina? Ka fada min ne? Yanzu lamido
ya kira wayata yace ya yajimu shuru. Nace me yafaru?
Yace baka famun yana neman mu ba. Na kareka nace
ka fada min, nace na mantal yace ya bamu minti 20.
Abubakar yace kanme zakayi karya? Kawai kace masa
ban fada maka ba. Hashim yace tashi dai muje, amma
bari ka canja kaya, ya bude duriwar manyan kaya ya
ciro masa shadda waganbari bowa mai kalan sararin
samaniya. Hula baka minister, ta kalmi baki, yace tashi
dan Allah fadan lamido bashi da kyau, tunda in ya tashi
sai ya fara cin uban iyayen mu kafin ya dawo kan mu.
Abubakar ya soma sa kaya yana cewa, ni nifa kasan
Allah? Eh inji hashim, babu mai min auren dole. Sai irin
matar da tai min, mace 1 nakeso a rayuwata, kuma sai
na zabi duk wadda ta hada duk irin halayen da nake
son don bana son inyi mata 2 ko 3, 1 nan ta isheni.
Hashim yayi dariya, sanan yace niko har na hango
wace zan kara da ita fatana Allah karyasa lamido yace
wajenta zamuje. Abubakar ya dube shi kana nufin wai
lamido zai ce min in je gurin wata ne? Hashin yace
kaima ka sani, domin in baka manta ba juma‘a kamar
haka yace kasameni muje gunsa, mukaje yace muwuce
wirin shatu. Kana nufin munfika biyaya ne? Kada ka
manta mahaifiyar ka da a haifin ka yar mace da dan
namiji suke, kuma suma hadin ne. Abubakar yace duk
ina sane, hasim kanayi kamar baka san ABUBAAR
SADDIK ba, zaku sha mamakin zuri‘ata tashi muje
Hashim ya mike tare da ajiye kwalbar turaren da ya
kara fesawa a mazauninta.
Duk suna zaune gaban Lamido, wanda fuskarsa ke
take, yace Hashimu kuje gidan Baffanku Adamu, 'yan
matan gidan guda biyu ne, ka zabi daya da kanka ina
jiranku bayan sallar isha'I".
Hashim yace to, mun gode. Sai mun dawo. Suna mota
Hashim na tuki, Abubakar yana ta son tuna 'yan matan
gidan Baffa Adamu. Anya ya san su ma?
Hashim ya katse masa tunani da cewa, "Kai duk ruwan
idonka saika zabi daya daga cikin yaran gidan Baffa
Adamu." Abubakar yace ba dole bane su min. Hashim
yace Allah yasa kada ka canki wadda nake hari."
Tsaki Abubakar yaja, sannan yace tun kana yaro zaka
tara ma kanka gajiya, ka hada mata suyi ta maka
rigima kullum kuna fada Lamido, gashi kai ba dama ka
saki wata duk danginka irin gidan Yaya Sule gida sai
kace sansanin yaki."
Hashim yayi dariya harda dukan sitiyari, sannan ya ce
ni nan sai na gaji Lamido hudu nan sai na hada, Allah
ya taimaka inji Abubakar.
A kofar falon suka yi sallama, Yadikko ta amsa tare da
bude kofar, ganin su Abubakar ta fadada fara'arta, tana
masu sannu da zuwa cikin harshen fillanci.
Sun zauna a falon suka gaisheta, ta amsa tare da
tambayar mutanen gida, suka ce lafiya, cikin hanzari ta
nufi dakin 'yan matanta guda biyu, tace Maimuna ga
baki can falo su Hamma ne ku kai masu abin sha.
Jamila ta mike da hanzari, haka ita ma Maimuna
kowacce tana fatan gurinta yazo.
Tun fitowar su ya tsaida hankalinsa gurinsu, tabbas da
don kyau zaiyi aure da ya zaba, amma ba ra'ayinsa
kenan ba. Cikin yanga Maimuna ta gaishe su, yayin da
Jimila keta rawar kai gami da tsuga surutu.
Maimuna kam tun daga gaisuwa ta ciro waya tana ta
yin abinda bai sani ba, chattin ne ko game. Hashim
yayi kasa da muya yace wacce tayi? Kafin Abubakar ya
bada amsa, Jamila tace Hamma don Allah inga wayar
ka. Ba tare da ya bata wayar ba ya mike. Hashim tashi
lokacin sallah yayi, ya dube su ku kira ta muyi sallama.
Maimuna ta dube su har zaku tafi? Ko ruwan kai
Hamma baka sha ba. Yace zan sha wata rana, yau kam
na gode. Yadikko suka jero da Jamila nan dai suka yi
masu sallama, a hanya ne Hashim yake ta damun shi
da son jin wacce ya zaba, yace ni fa babu wadda tayi
min.
Hashim yace don me? Ga Jamila, Abubakar yace bana
som mace mai yawan surutu da rawar kai, gami da
bincike, wannan ya nuna in na aureta zata dinga daukar
wayata tana min bincike ko kuma tana min bincike a
daki.
Ya ce, Maimuna fa? Ita ma a'a ban cika son mace mai
shiru sosai ba, sai yawan danna waya, hankalina bazai
kwanta ba, domin zata iya share ni tayi ta mu'amularta
da waya. Hashim yace, tab, to wallahi bada ni za a
gurin Lamido an jima ban don haka kaje ka masa
bayani.
Abubakar yace tare zamu je, zaka ga kamar bazan iya
yi masa magana ba ko? Hum, bari mujem suna gaban
Lamido duk sun yi shiru, shi kanshi Abubakar yana jin
zuciyar shi na rawa, tamkar bazai iya bayani ba.
Amma ya daure yace babu wadda ya zaba, ya kawo
dalilansa. Lamido ya tsura masa ido, zuciyarsa na
zargin Abubakar nason kawo masa sabon salo ne cikin
zuri'a, amma sai ya danne yace naji. Hashim tun daga
gobe Asabar har zuwa rana irin ta yau, ku zaga duk
zuri'ar mu Abbab ya zabi wacce yake so in na Yola
basuyi ba ku tafi har Adamawa, kai har 'yan Kaduna da
Abuja da Kano kuje ya zaba.
Tsahon sati biyu na baku, ina jiran amsa. Abubakar
yace to mu gode sai dai a duba yanayi ayyukan mu.
Lamido yace wannan ya rage naku, ku zaku cire lokacin
da kuka ga zai dace ba tare da kun shiga lokacin aikin
ku ba, ku tashi kuje.
Sun ajiye bayan isha zasu dinga bin dangin kila a dace.
Sati guda suna zagaye gidajen dangi, amma ko ina sai
Abubakar yace bata yi ba, wannan yace kazama,
wannan yace zatayi rowa, wannan yace ta cika yawo.
Hashim yace to muje gidan mu ga kanne na, su kuma
yace basa jin magana, irin su daya da Rukayya
kanwata. Hashim yace haka ne amma fa bazaka samu
mace dari bisa dari da irin halin da kake so ba, su
dama da kashin hakarkari akayi su kaga kenan a
karkace suke, in ka dage cewa zaka mikar dasu sai su
karye. Abibakar yace, look bance maka dama ba, amma
irin matar da nake so nasan zan samu. Hashim yace
kasan me zamu yi? Tunda yau goma ga watan daya,
saura kwana biyar ayi family meeting mu jira ranar in
kowa yazo sai ka duba
Abubakar yace Allah ya kaimu
Duk shekara suke yin mitin na zuri'ar su, suna yin taron
ne a gidan tsohon wato Lamido, suna tattauna
matsalolin 'ya'yansu da su kansu a taron, duk wata
kowanne mai matsala yana fada ta kudi ko ta wani abin
da yake suna da asusun da suke tara kudi duk wata.
Sai a dauka ayi maganin matsalar da shi, tunda kuma
ba duk dangin bane masu kudi, sai dai masu kudin sunfi
talakawan yawa.
Tun ana gobe taron ake kada shanaye biyu saboda
yawansu, Lamido ke bada su, yayin da wasu daga cikin
manyan 'ya'yan zasu yi ta kawo kulolin abinci manya
kala daban daban, yan nesa irin su Abuja Kaduna tun
Juma'a suke dauko hanya.
Dada ta shiga dakin bayan ya amsa sallamarta, ta ta
ganshi kwance cikin bargo kasancewar lokacin sanyi ne
tace, ka tashi fa Abban ku fa ya tafi dasu Ummi da
Aliyu da Kasim. Usman da Umar kuwa na tabbata
yanzun sun tafi da iyalansu.
Shiri yayi tsaf cikin kayan alfarma, in ka ganshi zaka yi
zato cewa sarki ne, shi da Dada ne kadai. Gidan ya
cika makil, filin da aka saba yin taron tuni an shirya shi
da kujeru, gurin zaman iyaye daban, na 'ya'ya daban
haka ma na jikoki.
Dole su baka sha'awa, yanmata da samari ga sunan,
wasu dama anan suke hada kansu shikenan, Lamido
hakan na daga cikin abinda yake sashi jin dadi a taron,
gurin su Hashin Abubakar ya nufa, a gabaki dayan
tsararrakin sa babu wanda bashi da yara........
har saitin su usman da umar duk sunyi aure, hatta
usuma da umar suna da matansu matar usman tana da
tsohon ciki, ta usuman kuwa tana da danyen goyo,
dukansu suna aiki ne a kar kashin abubakar don mutun
ne mai adalci, kansu umma a hade yake. Hashim ya
soma yi mashi tsiyar cewa ya makaranta, salisu yace
ba dole yayi maka ba, tun da bashi da mai tashin sa.
Sani yayi tsagal yace, azumin nan mai zuwa sai munyi
mashi kidan tazuru, yace zakuyi ku gama. Hashm ya
turo mashi kujera zauna dai dai nan ka samu damar
kalon yan mata gasunan iyaka gininka. Ya zauna tare
da cewa ku tayani duba, sun bude taro da adu‘a kamar
yanda suka saba, sannan aka gabatar da marasa lafiya
dan ayi masu adu‘a sannan sauran abubuwan suka ci
gaba. Daf da karshene wanin baffan su mai suna yusuf
yace ya kamata kafin a tashi daga taron nan a saka
ranar abubakar, dan kowa ya san lokacin, duk iyayen
sun amince da hakan. Lamido ma yayi na‘am.
Abubakar dai zuface ta rufeshi, yayin da a bokan wasa
suka ta masa dariya. Sukuwa yan mata kowace tana
son taga wacece mai rabon nan. Shi kuwa tuni taron ya
gundire shi. Anci ansha samari sun sami yan mata
wasu kuma sunyi kari, amma abubakar duk basuyi
masa ba. Hashim yace gasu khalisat yayan baffa na
abuja, yace wadan nan yaran masu salon tsiya, barni
kawai.
Kamar daga sama yaji lamido na kiran shi tacikin abin
magana, Hashim yace to kaifa kila yau ta yan tatsuniya
za a yi maka, irin na 'ya'yan sarakunan nan ace mata
su jeru namiji yaje ya zabo. Abubakar ya mike ya mufi
gurin Lamido, yace ina so yanzun nan ka shiga cikin
'yan matan nan yanzu ka fitar da mata ka, nasa ranar
auren ka wata biyar daya ga watan.
In kayi lissafi zai zama wata hudu da kwana goma sha
biyar kenan, kafin lokacin kun fahimci juna." Nan da
nan dangi suka sheda suka shiga murna, shi kuwa gurin
zaman shi ya koma. Hashim yace tashi mu duba, yace
dan Allah ka bar ni ka ji."
Haka taron ya tashi ba tare da Abubakar ya zabi mata
ba, hakan ya kona ran mahaifansa da Lamido, daga
bisani kakarsa Gogwal kodai bashi da lafiya ne? A
bincike shi, sun tsare shi ya ce shi kam lafiyar shi lau,
amma bai samu kawai mai irin halayen da yake so
bane. Cikin bacin rai Lamido ya ce sun zura masa ido
amma ya sani rana baza a daga ba ko ya sami mata ko
bai samu ba, in lokacin yayi zasu daura aure da duk
wadda suka ga dama.
Abubakar kuwa ko a jikinsa, cikin hakan ne bikin
abokinsa Sagir ya taso a Kano, yaje yayi arba da
yarinyar da ya santa a Kaduna lokacin da yaje (Bautar
Kasa), tana talla mai yawan wasa, kusa shekaru goma
baya.
Yana son sanin abubuwa game da yarinyar kuma yana
jin wani abu a ranshi game da ita, sai dai abin tambaya
ta tara halayen da yake so matar shi ta kasance?
Ya iso gida daga gida Hashim, gaban iyayan nashi ya
zauna a kasa, Abban ya dube shi yau in ni na haife ka
ina son ka fada min nufin ka damu. Dada tace dazun
su Yafendon shi da suka zo dukan su kowa na cewa
yazo ya sasanta da 'yar gidanta, na ce masu dai kun
sanshi in ya yarda shike nan, amma fa ni bazan maku
alkwarin ko ya yarda ba.
Don haka ka fitar da mata kada ka hada ni da 'yan
uwana, Abba yace yama fada mana nufin shi kawai, in
yana da wata matsala ne sai ya kawo uzurin sa muji, in
ko lafiyar shi lau to raini ne da walakanci, baka jin
kunya kannan ka duk sunyi aure cikin dangi ko ina
lbarinka ake, fada min nufinka."
Ya danyi dim don yasan abinda zai fada yanzu zaya
girgiza su. Dada kayi magana mana. Ya dan numfasa
yace, naga wadda nake so." Abba yace, ko kai fa, fada
min wacece yanzu na sanar da Lamido ta waya." Yace
tana Kano." Suka hada baki gurin cewa, Kano? 'Yar
gidan Goggonka Furera?"
Ya ce a'a ba dangin mu bace. Suna hada baki gurin
cewa, ba dangi ba? Eh, ya dago ya dube su, ba zato sai
yaji saukar mari gefe da gefe, sannan ta rufe shi da
duka. Sunkuyar da kai kawai yayi tayi ta dukan shi.
Abban su kuwa sunkuyar da kai yayi ba tare da yace
Dada ta daina dukansa ba, har sai da ta bar shi don
kanta.
Cikin tashin hankali take cewa ba zaka jawo mim abin
fada a cikin dangi ba, kai ne mutum na farko da zai
kawo matsala a zuri'ar mu? Tur! Ba dani za a yi ba, ta
fice daga falon rai bace, yana nan zaune Abba yace
kasan dai kazo da abin da bazai yuwu ba ko? to ka cire
wannan tunanin a ranka in dai kana so kaci gaba da
zama danmu. ya mike shima ya fita dàga falon,
Abubakar yana zaune cikin halin da baza yace gashi ba,
yafi awa daya saññañ ya fito ya tafi dakinsa.
washe gari sam iyayen basu amsa gaisuwar sa ba,
wannan lamari ne mai girma. Ya zama dole ya faranta
ran iyayan sa, yasan idan tasu ne zai iya shawo kan
su, tsoron lamido da sauran dangi suke yi. Shi kuma
yana so ya kawo karshen wanan auran, domin wasu na
cutuwa, an hada su da wadanda basu so. Sannan ko
mai mace zatayi wa namiji ko shi yayi mata babu
rabuwa, yasan ba wai haramun bane auran zumuncin,
to amma yanda zuri‘arsu suka dauke shi tamkar ibada,
shine yake son su gane auren bare ma ba haramun
bane. Akan gadon shi yake ta juyi tare da neman
mafita, ya kalli agogo 11 a fili ya furta Allah yasa
hashim bai yi bacci ba, ya daga wayar sa yasa a kunne,
bayan ya laluba num hashim din. Tayi kuka har ta
katse ba‘a dauka ba, don haka ya ajiye wayar yana
miyar hashim har yayi bacci sai kace mace. Kusan
minti 30 wayarshi ta soma ruri, ganin sunan hashim ya
daga da wuri,ya soma korafi ka cika baci kamar mace.
Hashim yace ina tare da iyalina ban san tayi ringin ba,
duk da tana kusa dani in ka fahimce ni ka kira lokacin
ina duniyar ma‘aurata, bana tare da ku. Abubkar yace
ban tam bayeka ba, sannan Allah dai ya tsine ma mai
tona asirin iyalansa, don haka sai kai hattara. Kasanan
dalilin kiran da nayi maka? Hashim yace sai ka fada?
Abubakar ya gyara kwanciya sannan yace, kila kaji
mamakin cewa wadda nake so ba a cikin zuri‘armu
take ba ko?
me kake son fada mun? Hashim ya mike ya nufi falo
dan kada matarshi shatu taji abin da zasu tau tauna.
Kada kace zaka shugo da bidi‘a cikin zuru‘ar anan,
kasan hakan zai jamaka matsala kai da mahaifin ka?
Abubakar yace haba hashim kai fa ba jahili bane,
abinda kake kira bidi‘a ba haramun bane. To auren
zumunci sunna ne? Ka fada mun a matan monzon Allah
wacece yar uwarsa ko a kwai bata wuce guda 1 ba,
kuma duk matansa yan kabilar sa ne?Dashi fa muke
koyi, don haka matar da aura ina nufin ba haushiya ce,
ina zoton ma ba zawara ce, kaga kenan zanyi sunna.
Hashim yayi tsaki, wannan karan bana tare da kai,
matsawar baka canja tunani ba. Me hausa sukafi yaren
mu na fulani? Kyau ko asali? Abubakar yace look!
Hashim ka fahim ceni sosai, ba al‘ada ce a gabana ba,
addini nake son awa agabana, yarenmu suna da kyau
da asali da kuma tarbiyya, amma ban ga wadda tatara
irin halin da nake so ba. Ok inji hashim. Ita wannan ta
tara duk abin da kakeso? Abubakar ya tashi zaune, ba
zan saniba sai dai na ga 1 daga ciki, saura sai ta bani
dama mun zanta. Hashin yace kana nufin baku taba
zantawa ba? Abubakar yace ni ke sonta, ita bata san
inayi ba, domin bata so in kusanto ta, na dai taba sanin
ta da. Hashim dan Allah ka natsu, ina so ka taimaka
mun yanda zan shawo kanta, zanfi tsayuwa kan ra‘ayi
na inna tuna wanda nakeyi dan ita, ta san ina yi.
Hashim yace, abinda zai fi kaje ka fada mata nufinka,
ka ce mata kana sonta kuma zaka aure ta, na san zata
girmama zan cenka don matan da suka san abin da
suke yi, suna girmama zancen aure. In dai ba wani ya
riga ba. Abubakar yace ta tsani maza, ina zaton namiji
yayi mata laifi. Hashim yace kaje, in baku sasanta ba
ka sanar da ni, sai mu koma tare. Kai dai kasan yan da
zakayi mahaifanka kada su shiga fushin lamido. Yace
zan ga me zanyi. Sukayi sallama. Arana ta 3 ce daada
ta shigo dakin shi, da wowarshi kenan daga office, tace
ka sauya ra‘ayin ka ne ko kanan kan bakanka? Ya
kwantar da murya. Dada kiyi hakuri, wlh wace nake son
aura musulma ce mai tarbiyya. Tace amsa kawai zaka
bani, ba.
Tace amsa kawai zaka bani, bana son dogon turanci,
ya ce to duk yanda kuke so haka zanyi, tace uhm! Isa
da kai kaje ka cire mata a dangi, ta tausasa murya, da
zakaji tawa ma, ka sami lamido ka fada mashi ya zabo
maka. Na tabbata zaka wanke lefukan da kowa ke
ganin ka dashi. Muma zaka ciremu a zargin da lamido
ke mana, na san baka sami lbr mitin din da lamido ya
kira su abban kuba ko? Ya dube ta, na sami labari sai
dai ban san abun da aka tau tau na ba, duk da nasan
dan ni akayi shi. Tace to ya tara yayan shi maza ya
sanar dasu cewa bai yafe ba duk wanda ya bari dan sa
ya kawo bakon lamari a cikin zuri‘armu ba, yace za‘a
yanke mumunan mataki a kanshi da yayan ta hanyan
yanke zumunci da su


Zaharaddeen Shomar
whatsapp. 08168575100


Sanadin Boko 2-3
Posted by ANaM Dorayi on 07:34 AM, 19-Sep-15
Under: SANADIN BOKO
Abubakar yayi shuru, yayin da jikinshi yayi sanyi lakwas.
Al‘amarin mai girma ne, yace dada kada ki damu, zanje
gurin lamido amma ina so ku daina fushi dani. Tace to
mu dama fushin mu don kaki bin abin da muke so ne, da
kabi shi kenan mun huce. Yace to zanyi duk me kuke so.
Har zuciyar shi ya san ya amsa ne kawai, amma ba dan
zai je wajen lamido da batun a zaba mashi mata ba, zai
jene da batun wanda yake so amma sai yaje kano ya
dawo. Tun dare ya shaida wa mahaifan nasa cewa zai
shiga lagos a gobe, don tau taunawa da wasu abokan
kasuwan cin sa a bisa wata cinikayya da zasu yi. Sukayi
masa adu‘a da safe karfe 9 ya hau jirgin kano. Sai da ya
huta a masaukin shi sannan ya daga waya ya kira layin
sagir yace yana kamo don Allah ya kawo masa mota.
******* ******* *****
Tun dare zazzabin shi ya tsananta, kwana mukayi babu
bacci, gashi bani da ko parasitamol bani da kudin saya
cikin yan satitikan tsananin babu ta dameni, jiya ko girki
banyi ba. Da dadare garin rogo muka sha muka kwanta,
jikin sa ya tsanata sosai da safe har da safe har ta kai
numfashin sa na futa dai dai. Nace ka bari dai in watsa
ruwa sai mutafi asibiti tunda kan da kati, ko da bani da
na mota, ina saka hijab na lura ya mike idanun sa sun
kafe hakoransa suna datsewa, dukda ban san suma ba
tabbas suma ne wannan. Cikin matsanancin tsoro da
firgici na sunkuce shi da gudu nayi waje ina fadin
innalilahi wa inna ilaihir raju‘un! Kamar daga sama na
ganshi tsaye jikin mota, da gudu na nufeshi ina cewa, ya
mutu! Ya mutu!! Da sauri ya karbe shi yasa a mota bai
jirani ba ya figi mota kamar dama abinda yake jira
kenan. Na koma cikin gida ina zagaya ina kai kawo,
kusan awa 3 sannan naji tsayiwar mota da gudu na fita,
shi kadai ne ya fita fiskar shi mur tuk, ko bai fada ba
nasan shadad ya cika.da gudu na juya cikin gida ina
kuka, hakika nayi rashi. Na zube kan katifa nayi kuka na
gode Allah, sai nace Allah yasa mai cetona ne. Ina
fitowa sai nagan shi jingine a bango, na daure nace ka
daukosh bari naje na fadawa su maman rahama. Yace ki
ce musu me? Ya rasu mana, yace inji wa? Na kara
matsawa kusa dashi me kake nufi? Yace ya far fado
nazo ne in kaiki gurin shi. Likita yace typort ne ya
kamashi da kyau. So, yanzu in kin gama kukan ki shirya
ki dauki duk wani abu da zaku bukata a can. Yan kayan
shi kawai na diba, sai nawa guda 2, da daudumar sallah
da alkur‘ani. Na fito yace kin dauki komai? Na ce eh.
Amma kafin muwuce bari na sanar da maman rahama,
kada suji shuru. Yace to ina jiranki a mota. Sai da na
kule gida sannan naje. Asibitin kudi ne mai tsari dakin
mu kadai ne har da kayan kalo ga na‘ura mai sanyaya
daki da taruwa. Na kafe shadad da idanu, duk ya rame
yanata bacci. Hawaye sai sauka suke a idanuna, yace
min yana zuwa. Bayan fitarshi likita yazo muka gaisa, ya
tambayi mai jiki nace da sauki, yace bai tashi ba ko?
Nace eh yace to idan ya tashi ki bashi abinci ko da
ruwan tea ne, sai ki bashi magungunan shi an siyo?
Nace banga ta kardar maganin ba ai, yace tana hannun
baban shi, yace dan Allah kada kiyi masa wasa da
magani, nace to. Yana fita na soma tinanin ina zan sami
kudi? Gashi ko abincin da zan bashi bani dashi in ya
tashi. Nace oh Allah na gode maka a wanan hali da kasa
ni, Allah ina mai naiman sauki a gareka. na dauki wayata
na kira Rahama na fada mata muna asibiti an kwantar da
shadad, tace taji gurin Abubakar, gasu nan zuwa dashi
da sagir ma. Kusan minti 25 da yin maganar mu sai
gasu. Rahama ce gaba dauke da katon kwando da
kulolin abinci da filas na ruwa zafi, Abubakar da Sagir
suka shigo da ledoji. Ya nufi yar durowan da ke gefen
gadon ya jera kalolin jus ne da ruwa. Sannan sai magun
gunan shadad ne ya zuba su a wani kwando dake jikin
gadon, kila an tanade shi ne dan zuba maganin dama.
Sagir ya koma ya shiga da dadduma mai girma, ya
shinfida ta can gefe suna fiskantar gadon, rahama ta
dauko kwandon ta zuba musu da fadukan shinkafa da
kayan lambu, sai farfesun kifi. Ta zo ta daukar musu
ruwa tana cewa bari na sashi a fridge saboda naji babu
sanyi. Ni dai sai bisu nayi da idanu. Rahama ta dube ni,
bari in sa mana, nace zuba dai dai cikin ki. Abubakar
wanda ya zauna saiti na da na dago fiska sai mu hada
ido, na daure fiska Rahama ta sani ni magana 1 nake yi
shiyasa bata matsa min ba, ta zuba nata ta juyo kujera
kusa dani, ina bakin gado ne ta soma ci. Ya kurbi ruwa
me yasa ba zaki ciba? Na dan tsuke fuska, sannan na
dube shi haka kawai. Ya kali kofar shigowa, kamar mai
nazari. Can ya sake duba na, amma ba don kin karya ba,
kuma ba don baki jin yunwa ba?ban karya ba kuma ni
bance bana jin yunwa ba. Rahama ta ce, Alhaji abubakar
dama ka barta, domin duk abinda tace tana nufin hakan.
Abubakar ya dubi Rahama, yace kina nufin bata
karyawa? Rahama tace a a ina nufin duk maganar da ta
fada ba zata canja ba, shi ne dalilin da yasa kaga da
tace ba zata ci ba, ban matsa mata ba. Ya ce ok. Duk
kamshi ya cika dakin sagir da Abubakar kasa kasa suke
hirarsu. Wayata ta shiga ruri, nayi tsam tare da son in
tashi taro da son inhasashi ko wanene, ina dubawa sai
naga number super markert din mu. Gabana ya fadi, sam
na manta da wani aiki. Ida nuna suka kai kan Abubakar,
ya kafe ni da ido da alama yana so yasan wanene ya
kirani? Nikam a zatona manaja ne, na daga da sanyin
jiki. Ba muryar shi ba ce, nace ishak ne ko musa? Yace
ishaq ne yace munjiki shuru ne kuma manaja yace baki
ce bazaki zo da yanma ba, tun dazu yace kina zuwa ki
sameshi ofis. Ya numfasa yace ranshi fa ya baci, wai shi
kin soma isarsa. Nace ishaq don Allah kace yayi min
uziri, yaro nane ba lafiya duk na rudene shiyasa ban tuna
da aikin ba, yanzu haka muna asibitin anbashi gado.
Yace to kikirashi ki fada mishi, dan kada ya gane nine na
kiraki. Nace to na gode. Na dafe goshi na, Rahama tace
ya akayi? Kin san cewa na manta da batun aiki? Shine
Ishak ya kirani. Na shiga dan na wayata ina son in duba
account dina, duk da nasan bani da kudi, ko ina ziro ziro,
nashi gshi bani da kudin ma da zan kira manaja sai in na
sa.
Rahama ta ce ga wayata ki kira shi, na harare ta kina
hauka ne, zan kira wani namiji da wayar ki, bayan kinyi
aure? Ta ce to menene, ba da nima Ogana ne ba? Nace
sam, da kika ce, ki tuna mijinki har canza maki layi yayi
don kada mutane su dinga kiranki, kuma hakan yayi
daidai, don ya nuna kishin ki.
Yanzu sai na kira Manaja? Alhalin yanzu baki da wata
alaka dashi?, tace to naji. Sagir wanda bansan suna jina
ba, yace a to fada mata gaskiya. Na dube su, idanun
Abubakar su suka sa na sunkuyar da kaina.Yace, "ga
wayata ki kira, na girgiza kai, ka barshi na gode, ya shiga
danna lambobi, ban sani ba sai naji yana cewa Manaja
yarinyar nan Hafsa tana da uzuri, don haka bazata samin
zuwa aiki ba sai bayan wani lokaci da bazata iya cewa
gashi ba, don haka tana son uzuri.Na tsura masa ido, a
raina ina cewa ji mutum zaya balgace min aiki na, bayan
dan shiru kadan da yayi sai yace, to shike nan. Ya dube
ni "menene na zare min ido? Ya yarda, nace na gode.
Amma ba haka ya kamata ka tambaya ba saboda
shugabanane a gun aiki. Ya ce yanzun nayi laifi kenan,
na girgiza kai alamar a'a, sannan nakai dubana ga
Shadad.Sai bayan munyi Azahar sannan ya farka, naba
bashi tea. Abubakar ya bashi magani, naji dadin yanda
ya bashi don ni idan na bashi kuka da su amai yake yi,
amma shikam ya bashi cikin lallashi kuma yasha. Amma
sai yace masa Uncle bazaka kara guduwa kabarni ba, ya
ce eh amma sai kasha magani.
Cikin rawar jiki yasha, na kanyi al'ajabin irin son da
Shadad yake yiwa Abubakar, domin ba shine mutum na
farko da ya fara masa magana ba, bai taba zuwa gurin
kowa ba sai shi.Sun fita sai ni da Rahama na kasa rike
abin da ke ciki na nace, Rahama wai me wannan abokin
mijin naki yake nufi da ni ne? Ta ce baki tambaye shi
ba? Na harare ta in ya bani amsa zan zo ina tambayarki
ne? Na jima ina tambayar sa bai bani amsa ba nifa
gaskiya bana son shishigin nan ki fada masa.
Ta ce ke me ya hana ki fada masa, ta gyra zama Hafsat
ki nutsu da kyau ki lura. Abubakar yana nemanki da
alkhairi ne, koda bai fada min ba nasan kila sonki yake.
Na dubeta da wani irin kallo cike da masifa nace sona?
Don Allah ki daina wannan sabon, in har yayi kuskuren
furta min kalmar so ai sai yayi nadamar yin hakan.Tace
maida wukar, tambayar ki zanyi. Cikin harara nace, ina
jinki, ta ce kina nufin laifin Munir ya shfi sauran maza?
Tsakani da Allah zaki bani amsa, na ce kusan haka ne, ta
ce kina dai da ilimin addinin musulunci, ance laifin wani
yana shafar wani? Na ce baya shafa amma na dade ina ji
a bakin iyaye na cewa maza ba yan goyo bane maza
rigar kaya ne, maza basu da tabbas, maza mugun ice da
dai sauran sunayen da ake kiran su da su, da ban yarda
ba sai gashi namijin yayi min, don haka ni layi guda na
ajiye su.


Zaharaddeen Shomar
whatsapp. ,08168575100


Sanadin Boko 2-5
Posted by ANaM Dorayi on 03:15 PM, 19-Sep-15
Under: SANADIN BOKO
"Amma wanda ya bada wannan shawara ya kyauta, dan
kai da Fadi kun dace, kuma ina zaton tana da wasu irin
halaye da kake so." Ya ce, "Na rasa dalilinku na cewa
mun dacen." Ya ce, "Ya kake son nayi da Hafsatu?"
Hashim ya ce, "Kun daidaita?" Abubakar ya ce, "Akwai
alamun nasara. Abba ne ya sani na dawo da gaggawa,
saboda wasu takardu. Sati na sama zan koma ko da
kwana daya ne, daga nan in mun daidaita zan kai ka ka
ganta. Amma ka shirya anjima zamu je gurin Lamido."
Hashi ya ce, "In dai kan yarinyar da zaka shigo da ita
cikin zuri'armu ne zaka masa to ka tafi kai daya ba zan
je ba." Abubakar ya ce, "Na rasa me yasa kuke tsoron
Lamido haka, shi ba dodo ba ba komai ba, ni Allah kadai
nake tsoron na sabawa ba mutum ba, zan je kuma zaka
ji sakamako." Har ya fita Hashim ya ce, "To yaushe
zamu je wajen Fadin?" Tsaki Abubakar yayi sannan ya yi
gaba.
Lamido ya tarbe shi cikin fara'a, ya ce, "Ubana ka iya
zabe, domin ko da ni ka bari to da wuya na zaba maka
irin wannan Babban kamu, lallai kun dace." Abubakar ya
sunkuyar da kai cikin daure fuska ya ce, "Ni fa ba nine
na ce ina son Fadi ba." Ya ce, "Duk wanda ya hada ku
yayi maka gata." Abubakar ya ce, "Ni wadda na zaba
daban, bana son Fadi." Ya ce, "To kila ka gaji
takwaranka Mahaifina kenan, tarihi ya nuna mana duk
cikin zuri'ar nan shine mutun daya taba auren mata 2
lokaci daya. Fada min wadda ka zaba ita ma yau akai
mintinta, rana daya duk a sa su a lalle." Abubakar ya yi
shiru, Lamido ya ce, "Duba, taso ka matso nan, ka fada
min wadda kake so." Abubakar ya matso, ya dubi
Lamido, "Wata yarinya ce a Kano, sunanta Hafsatu, bata
daya daga cikin zuri'armu....." Wani wawan mari Lamido
ya sakar masa da bayan hannu, ya mike tsaye cikin fada
mai tsanani yana cewa, "Tir da kai, ba zaka surka mana
Zuri'a ba, tunda muka taso zumunci iyayenmu suke yi,
don haka muma ba zamu daina ba har bayanmu, don
kana takama da boko, bokon banzanka, na yi tunanin
shine yasa kake zagaye-zagaye, kana juyamu kamar
waina (masa), to kaje da Iyayenka zan yi, don ina
girmamaka saboda sunan Ubana, zan ajiye uban a gefe in
kamata inci mutuncinka, baka wuce duka ba a gurina,
FITA!!!!!
Abubakar ya tashi ya fita.
Kafin wani lokaci ya kira dukkan manyan 'ya'yanshi ta
waya ya fada musu yana nemansu gobe da safe.
Abban Abubakar yana jin kiran ya sha jinin jikinshi kan
batun Hamma ne, domin Dada ta fada masa komai
game da abin da Abubakar ya ce.
Ummi ta shigo dakin yana ta sintirin kai kawo, ta ce,
"Hamma!!!" Ya dubeta ta ce, "Ka ja surutu cikin dangi,
ko a Makaranta surutunka 'yan uwa suke yi, wai ka
canja hali yanzu baka da biyayya, ni kam ka yarda da
Fadin mana."
Abubakar ya kama hannun Ummi ya rike kam, "Tun
farko ina rokon Allah ya bani macen da nake so,
zuciyata ta san da Fadima, amma ta kama son Hafsa
ranar da na fara ganinta, nasan kema zaki so ta
Ummi." Ummi ta ce, "Hamma ina son duk abinda kaima
kake so, sai dai bana son matsalar dangi, zaka yi kallon
halin da su Dada zasu shiga, tunda kace Lamido yana
nemansu." Ya ce, "Ki taya ni addu'a, so baya barin
mutum ya ji tsoro, ni da kaina na fadawa Lamido batun
Hafsa, jikina yana bani zan yi nasara, kullum cikin
mafarkin Hafsa nake." Ummi ta ce, "Allah ya amsa."
Lamido ya mike yana kai kawo a tsakanin 'ya'yansa
wadanda suke zaune akan kafet. Dukkansu manyan
mutane ne masu fada aji, domin wannan yana wane
wannan ne a kudi. Ya dubi Mahaifin Abubakar ya ce,
"Ibrahim dauki wayarka ka kira min danka Abubakar."
Nan take Abba ya aikata haka, shima Abubakar nan
take ya bar komai ya nufi gidan Lamido. Abubakar
gabansa ya fadi ganin daya yiwa Iyayanshi kamar masu
neman gafara. Dakin yayi tsit sai karar agogo, jiki a
sanyaye shima ya zube tare da sunkuyar da kai, sai dai
duk da haka bai ji a zuciyarshi cewa zai canja daga
batun son Hafsa ba.
Lamido ya ce, "Abubakar!!!" Cikin zafin rai ya ambaci
sunan. Abubakar ya dago da kai ya dube shi, Lamido
ya nuna su ya ce, "Su waye wadannan?" Abubakar ya
kalle su ya ce, "Iyayena ne." Ya ce, "Da kyau." Ya ce,
"To ina son ka fada musu abinda ka fada min jiya."
Abubakar ya sake dubansu gabanshi na faduwa,
musamman da suka hada ido da Baffa Magaji, Lamido
ya ce, "Ka fada musu nace." Abubakar ya kasa
magana. Ya ce, "OHO!!! ni ka raina kenan da ka zo ka
same ni kafada min saboda ba nine na haifeka ba?"
Baffa Magaji ya ce, "Ka yi magana mana, wane ne
sa'anka a nan?" Abubakar ya ce, "Dama kan batun
yarinyar da nake so ne, wadda ba 'yar cikin zuri'armu
ba." Dukkansu suka hada baki gurin tambayarshi, "Me
ka ce?" Illa Babanshi da ya sunkuyar da kai cikin
matsanancin takaici. Baffa Magaji ya ce, "Kai ko
Shaidanin yaro ne, zaka kawo mana sabon al'amari
cikin zuri'a." Lamido ya daga ma Baffa Magaji hannu,
sannan ya ce, "Ban taraku kwanakin baya ba na gaya
muku cewar kar wani daga cikin 'ya'yayenku ya kawo
mana wani sabon al'amari a cikin zuri'armu ba?" Duk
suka ce hakane. Ya ce, "To lokacin ina zargin Abubakar
zai aikata haka, gashi zatona ya zama gaskiya. Don
haka yanzu kai Ibrahim tunda ka kasa tankwasa danka
ba ka iya bashi tarbiyya ba, ina son ta bakin ka kafin
kuji ta bakina." Abba ya nisa ya ce, "Lamido Allah ya
huci zuciyarka, na jima ina fama da Abubakar akan
wannan matsalar, sam ya ki bin umurnina, don haka ina
son 'yan uwa da suke zaune ku zama shaida, daga yau
na cire shi daga cikin 'ya'yana. Ina son Lamido ya cire
shi daga cikin zuri'armu don girman Allah.
Baffa Sa'adu ya ce, "Ina rokon alfarma gurin Lamido,
da ya ba Abubakar dama muji uzurinsa kafin a yanke
masa hukunci." Lamido ya ce, "Gashi ga ku." Baffa
Sa'adu mai rike da sarauta a yanzun wato Mahaifin
Hashim ya dubi Abubakar ya ce, "Dana fada mana
dalilinka na son ka saki layin da ka same mu a kai?"
Cikin karfin hali ya ce, "Baffa duk ciki ban samu mace
mai irin halayen da kamannin da nake so ba." Abba ya
ce, "Ka ji ko? In ba rainin wayo ba ace duk zuri'armu
masu kyau da ilmi da tarbiyya amma ace ya rasa matar
aure? Sai ya je yayo mana rore-rore?" Baffa Magaji ya
ce, "Muna jin shi ai, ya fada mana irin matar da yake
so muji dame yake takama." Abubakar ya ce da su
Baffa, "Bana son macen da an kalleta za'a san
kyakykyawa ce, nafi son baka kuma zuri'armu kusan
duk kyawawa ne farare, game da batun halaye kuma,
nafi son mace da bata cika wayewa ba, sai wadda bata
cika buri ba, mai ilmi duka 2, mai tarbiyya da hankali da
natsuwa, sannan kuma 'yar talakawa wadda za taji
magana ta, ta girmama Iyayena da duk wani nawa, mai
tsoron Allah a duk inda take, mai hangen na kasa da ita
ba na sama da ita ba, wadda bata da rawar kai. Baffa
kada ku yi zaton na raina tarbiyyar 'yan matan
zuri'armu, ko ba za'a samu mai irin wannan hali a
cikinsu ba, a'a za'a samu matsalar daya ce, ina son na
auri wadda nake so kuma take so na, ba wacce take
sona ni kuma bana sonta ba, Manzon Rahama ya hana
auren dole, don yana da illoli, bana son a cikin
zuri'armu akwai dayawa wadanda zaman hakuri da
biyayya kawai suke yi, alhali babu biyayya ga abokin
zamansu, hatta dan sabawa mahalicci."
Baffa Magaji ya taso ya ce, "Wato auren zumuncin ne
sabawa Mahalicci? To sarkin iya magana fada mana
inda aka ce ya haramta?" Abubakar ya gyara zama,
"Aure bautar Ubangiji ne, a duk lokacin da aka hada
Ma'aurata dan dole ba so da kauna, to ba zasu yi
wannan bautar ba yadda Ubangiji ya ce, maimakon lada
sai kaga zunubi ya samu. Mu dauki misali da gidan
Yaya Saleh, duk family ba wanda bai san tashin
hankalin da suke ciki kullum ba, banda kuma sauran
dangi da ba'a sani ba." Baffa Magaji ya ce, "Lallai
Abubakar, boko ya sa ka fitsare idanunka, kana rigima
damu saboda aurenka." Abba ya ce, "Duk wannan
zantukan naka basu isa su zama hujja ba, tunda ba
littafin da yai hani ga auren zumunci."
Lamido ya ce, "Ikon Allah!!! Ashe tun ina da rai zan
samu wani a zuri'armu da zaya kalubatanceni akan
al'adarmu? Dole ne na dauki mataki, in ko ba haka ba in
na mutu zumuncinmu rushewa zai yi." Abubakar ya ce,
"Ku yafe ni, ba zan zama sanadiyyar rushe zumuncinmu
ba, haske na zo mana da shi cikin zuri'a, ku kwatanta
dani zaku gane nufina nan gaba. Ma'ana ku barni na
auri bare." Baffa Sa'idu ya ce, "Abubakar mene ne
dalilinka na cewa ba zaka auri mace mai kyau ba?
Alhalin shine burin duk wani namiji." Ya kalli Abba, "Da
ban san yin wannan batun ba, amma yanzu ya zama
dole na fada, dalilai 2 ne suka sa nace ba zan auri
mace dan kyau ba. Na 1 Yaya Mansur in baku manta
ba lokacin da aka ce ya nemi Waslia bai ki ba, ya ce ko
ba komai ai tana da kyau, da suka yi hadari fuskarta ta
lalace, har yau ba wanda bai san irin wulakancin da
yake mata ba. Abu na 2, lokaci mai tsawo daya gabata.
(Abba ka yafe min abinda zan fada, ina dan yaro
lokacin kun dan samu hargitsi da Dada, na ji kace mata
abu 2 ne suka sa kake zaune da ita, na farko biyayya
ga Lamido, na 2 dan kyanta da take da shi. Ta yiwu ka
manta, kayi min afuwa ban so na fada ba) A lokacin in
zaka tuna ina karami amma raina yayi matukar baci
kwarai, da muka je Makaranta nake fadawa Hashim sai
ya ce Ai shi jiya ya ji Dadarsu tana fadawa Abbansu
zaman hakuri kawai take yi da Abbansu, don ita ba shi
take so ba, daga lokacin na kudurce a raina bazan taba
aure ba, sai wadda nake so take sona. Ina son iyayena
ku taimake ni, ku duba hujjojina, in kunki ni zan hakura
in yi biyayya amma har abada ba zanyi farin ciki ba.
Duk jikinsu yayi sanyi, kuma sun tabbata kowannensu
yanada shigen wanan matsalar ko shi bai son matar ko
ita bata son shi, amma wanda suka hada kansu su
suna zaune lfy. Baffa sa‘adu yace, ina rokon lamido
yayi mashi izini yatafi, mukuma munyi shawara. Lamido
yace, ya iya tafiya. Abubakar ya mike cike da kwarin
guiwa ya fita. yasan adu‘a bata faduwa, don tashi yake
tun 2 dare ko 3 yana fadawa Allah matsalar shi.
Lamido ya dubesu daya-bayan-daya, kuna nufin kun
amince da batun sa? Baffa jume yace, a a sai yanda
kace. Baffa sa‘adu yace, da zai yuwu hujjojinsa sun isa
a duba lamarin, koda a gaban kotu ne. Amma in
zancena ya bata ran lamodo aimun afuwa.
Lamido yace ban gamsu ba har yanzun, biyayya muke
bukata kuma kuje kuci gaba da shirin biki duk suka
watse, kowa zuciya cike da nazari.
Da dare ya sake zuwa gidan Baffa sa'adu don ya lura
shi mai saukin kaine, kuma zai iya taimaka masa har
yaga ya ci nasaram ya ce Baba na zo ne naji ko kun
gamsu da bayanin bayan tafiyata? Baffa ya ce, Lamido
bazai taba amincewa ba, ni kaina na cutu da wannan
hadin da ake yi tsahon lokaci, sai da na sake Aure
sannan na sami nutsuwa.
Dalilin musgunawar da mai dakina take min duk dan
ranta baya son auren mu. Aure na da Bilki ita ma 'yar
dangi ce amma ni na ganta na ce ina sonta, ta yarda.
Daga kanta ne na gane aure kina so ina so shine aure,
in mace tana sonka tana kaunarka da ka sami matsala
zata fara tausayinka, zata yi komai don ta faranta
ranka.
Amma in mace bata kaunarka, Abubakar akwai matsala
babba. Ni yanzun shawara daya zan baka, ka gwada.
Kaje ka sami Limamin Masallacin Juma'a kasan aminin
Lamido ne ko?" Abubakar ya ce eh, ya ce to kaje ka
same shi kayi masa bayani da neman tainakonsa, kila a
dace. Kasan mu 'ya'yansa ne bamu da wani karfin
tankwara shi, ga rikicin tsufa. Muna son mu lallaba shi
ne har mu rabu lafiya.
Abubakar ya ce za shi.
Sai da kafa ta dauke sannan ya shiga gida. Don yana
tsoron haduwar shi da mahaifinshi. Yana maida kofa
ana turowa, sai da gaban shi ya fadi, zaton shi Dada
ce, amma ai yaga Ummi ranta a bace. Ya matsa ta
shiga, ya dubi agogo sha biyu ta gota, ya ce Ummi kina
menene baki bacci ba?
Ta zauna "Hamma ka janye auren kan nan mana, Dada
ta yini kuka, hawayenta ba sauki bane a wajenka." Ta
zamo ta durkusa, "ka dubi Allah kayi hakuri ka yarda
cewa haka Allah ya so ganin zuri'armu.
Ya kama ta, "Tashi Ummi Dada da Abba zasu fahimce
ni da zarar komai ya daidaita, kije ki kwanta, fata na
daya ki taya ni fada ma Allah shine kadai mai maganin
matsalata. Baffa Sa'adu ya bani dama ta karshe, idan
har na gwada bata yi ba, na dauki alkawarin cewa na
hakura."
Ta ce "zanci gaba da yi maka addu'a," Ta fita.
daga sallah asubahi bai dawo ba saboda tsoron haduwa
da mahaifansa, gidan Hashim ya karya duk da ruwan
tea ne ya sha. Yayi wa hashim bayani, hashim yace,
sannu namiji. Kayi kokari, zan rakaka gurin liman.
Bayan la‘asar suka sami liman agida, sun gaisheshi
sannan suka gabatar da kansu, yayi murna da jin
jikokin amininshi ne, daga nan suka kora mashi jawabin
komai. Liman yace, to zan ganshi in Allah yaso zamu
tautauna batun, in kuma ya sausauta ra‘ayinsa to akan
nada kyau, don nasha yunkurin in fada mashi wanan
al‘adar tayi tsuri, musanman in yana bani lbr matsalar
gidan yayansa ko wasu daga jikoki wadanda basa
zaune lfy. Amma nakan fasa in na tuna yanda ya dauki
lamarin. To yanzu tunda dama tasamu zanyi kokari in
nusar dashi. Sukayi godiya sannan suka tafi. Duk
aranarce dai liman yayi tattaki zuwa gurin lamido, sunyi
murna da ganin juna, duk da cewa ko yaushe suna
haduwa. Sun gaisa sannan liman ya soma da cewa,
aminina gurinka nazo da batu mai matukar muhinmanci,
duk dacewa batun nawa ba zaiyi maka dadi ba. Amma
inaso kakali lamarin ta fiska 2, addini da kuma zamani.
Ni da kai dukanmu musulmai ne, muna koyi ne da
manzon tsira (s a w) addini ya amince muzabawa
yayanmu maza na kwarai amma bai yarda muyi musu
auran dole ba. Idan muka dubi fiskar zamani zamuga
cewa, mubar yayanmu suyi auren so da kauna, zaifi
bamu kwanciyar hankali. Lamido yace, oho! Abubakar
ya kawo maka karata kenan? Liman yace a a yazone
yanemi da in rokyaka ka amince, yayi aure da wada
yake so, wai shin ma wane dalili yasa ku rike wanan
al‘adar sai kace bauta?
Lamido ya ce iyaye da kakaninmu suna gudun hada iri
da wani ne saboda kada mu gauraya da mugun iri.
Liman yayi dariya sannan ya ce, da kai dani da bature
da balarabe da igbo da hausa da duk wani yare daga
mutum daya muke shine Annabi Adamu Alaihissalan.
Sannan Manzon Rahma ya fada mana Musulmi 'yan
uwan Musulmi ne.
Lamido ya ce, amma nasha ji daga bakin ka kana cewa
mai yanke zumunci ba zaya shiga Aljanna ba, wata
rana kace ba mai shiga Aljanna sai mai sada Zumunta.
Liman ya ce to ai ba ana nufin ka kamo wannan ka ce
sai sunyi aure ne zumunta ba.
Abinda ake nufi shine Ziyara, kwana biyu ka dade baka
ga dan uwanka ba, shirya kaje ku gaisa kuyi zumunci,
wannan shine sada zumunta. Yanke zumunta kuwa
shine kace wane baya zuwa, don haka nima na gaji da
binshi bazan je ba, kowa ya zauna a inda yake. Shine
yanke zumunta, don haka ka sassauta ra'ayinka ka tafi
dashi daidai da zamani.
Sannan daidai da turbar addinin Musulunci, cewa aka yi
in zaku yi aure ku nema wa 'ya'yanku Uwa ta gari.
Sannan ana auren mace saboda abubuwa guda hudu,
asalinta, kyawunta, kudinta da Addininta, Manzo SAW
ya ce na hore ku da ma'abociayar Addini, don haka
shawara anan sai ku duba, suwaye iyayenta? Kuma
wanne irin hali gareta? In mai Addini ce shike nan.
Ku hakure ku cebakomai saikuga ci gaba, ku cire 'yar
wani dangin kusa ta cikin naku shine karuwa, shine
zumunci dangin ku sun zama 'yan uwa da danginta,
kuma ko bayan ranta zaku yi ta zumunci da danginta.
Liman ya dinga bashi misalai tare da Hadisai zuwa
Ayoyi, har jiki Lamido yayi sanyi, ya ce to zai gana da
'ya'yanshi, in yaso za a bincika aji asallinta. Amma fa
sai dai in ya yarda ya hada mata biyu, domin baza a
fasa Fadi ba.
Liman ya ce, "Wannan ba laifi ba ne." Lamido ya kuma
tara 'ya'yansa ya gaya musu cewa, sakamakon zuwan
da Liman ya yi yayi masa bayanai da dama akan
wannan lamari, dan haka ya nada Baffa sa'adu da su
binciko masa 'yar wane ne? Sannan ya ce da Abba in
yaje gida ya turo masa Abubakar.
Ko da Abba ya dawo gida bai samu Abubakar ba,
sannan duk wayoyinsa a kashe suke, ya kira Hashim
yake gaya masa in ya ga Abubakar ya fada masa
Lamido yana neman sa. Tare suka je gurin Lamido ya
ce, "Hakika kana da sa'a, zan amince da auren in naji
cewa Iyayenta masu mutunci ne, itama 'yar mutunci
ce. Sannan kuma in ka yarda ka hadasu 2 ka auri Fadi
itama. Sannan ita yarinyar tunda bakuwa ce anan gida
na zaka kawota mu zauna da ita muga irin nata
dabi'un." Har zai ce wani abu sai Hashim ya zungure
shi, sannan ya ce ya amince. Lamido ya ce, "Shi bashi
da baki ne sai kai?" Sannan Abubakar ya ce, "Na
amince." Lamido ya ce, "To sai kuje, in mun shawarta
lokacin da za'a je zaka ji."Farin ciki gurin Abubakar
baya misaltuwa, ya isa gidansu da karfin gwiwa. Dada
tana zaune suna hirarsu da Rukayya, ya zube gabanta
yana neman gafararta, sun ji komai daga bakin Abba,
sai dai ta ce, "Shawara daya zan baka, kada ka yi rawar
jiki akan bakuwar da zaka kawo cikinmu, ka nuna
kamar kafi son 'yar uwarka a kanta, ka tashi mun yafe
maka. Ka samu Abba ka bashi hakuri, sannan ka samu
Hashim ku je gurin Fadi." Ya ce, "To." Ummi cikin
murna ta ce, "Ni kam in zaka Kano zan bika muje na ga
Hafsat." Ya ce, "To, Amma sai na fara zuwa in na dawo
sai muje tare."shi da Hashim suka nufi gidan Goggo
Jami, sun jero ita da Fadi zasu fita, hannun Fadi rike
da makullin mota, sai ga Abubakar. Suka tsaya Goggo
da fara'a ta ce su shiga. Fadi ta musu sannu da zuwa,
suka gaisa sannan Goggo ta koma ciki tasa a kawo
musu abin sha duk da cewa da safe ne. Fadi ta gaishe
su, Hashim ne ya ce, "To Fadima, kin san dai dalilin
zuwanmu tunda magana ta yi nisa, yanzun ma yana kan
hanyar tafiya ne muka biyo. In ya dawo zamu zo zuwa
na musamman." Ta ce, "OH, zashi gurin KISHIYATA
ko? In kaje ka gaidata." Ta mike, "Nima zan je office
ne." Suka mike suma, Abubakar bai yi magana ba,
Hashim ne ma ya mata sallama. Suna hanya inda
Hashim zaya kai shi filin jirgi don zuwa Kano. Ya ce,
"Kuna ta fadin Fadi nada mutunci, dubi irin tarbar da
tayi mana." Hashim ya ce, "Kishi ne, taga kowa a
family ita daya ake aure, amma ita su 2, dole ta damu."
Abubakar ya ce, ....


zaharaddeen Shomar
what's app 08168575100


Sanadin Boko 2-6
Posted by ANaM Dorayi on 11:25 PM, 19-Sep-15
Under: SANADIN BOKO
"Ummi fa dole ta tsani auren Fadi, saboda ita bata da
kirki, da ace ina da yanda zan yi to ba zan auri Fadin
ba." Hashim ya ce, "Na kula ai da zaka yiwa Lamido
musu ne, shiya sa nayi saurin amsawa." Haka suka yita
hira har ya kaishi filin jirgi, yau dai da farin ciki ya nufi
Kano, kuma baya jin zai samu matsala da Hafsat.
Tunda bawan Allah nan ya tafi na kasa sukuni, ga
rigimar Shadad yana Aunty Uncle fa? Tun ina cijewa
har ta ni da kiran layin wayarsa, amma abin takaici ana
fada min yana kashe.
Daga bisani nayiwa kaina fada na watsar da lamarinsa.
Shadad ya murmure ya koma makaranta nima na koma
bakin aiki na. Na yi mamakin Manaja da bai ce min
kala ba, su Ishak ma sai mamaki suke yi, na kuma ci
gaba da zuwa makarantata.
Tun mun horu da shan garin rogo, yanzun ma shi na
jika ma a matsayin abincin dare. Na shimfida mana
tabarma a tsakar gidan kasancewar lokacin zafi ne ga
Kano akwai zafi. Muna cikin sha naji bugun gida, na
tashi naje na tambaya wanene?
Muryar da ban tsammace ta a lokacin ba ce. Ya ce ni
ne Sadeek, jiki yana bari na bude, ta re da haska
wayata, na ce "Sannu da zuwa, shigo." Ya shigo Shadad
har yana faduwa garin gudu yana fadin "Uncle." Uncle
ya daga shi sama, na kakkabe masa tabarma ya
zauna.nakawo masa ruwa, nazauna ina cewa ina yini?
Yace lfy, ya jikin shadad? Nace ya sami sauki. Don ya
latsani yaji ko na damu dashi yace, shine tun da natafi
ko flashig nace ai bakamin sallama ba,kuma wayar taka
ai akashe take. Yayi murmushi, yau naga canji anty.
Kina ta min fara‘a yau ba daure fuska ba harara, why?
Nace ina sa ran zan sami lbr mutumin kirki a gurinka,
wanda ya taimakeni tsawon lokaci da ya wuce,
mutumin da ya fara gina karatuna, yace meyasa kike
tsamanin samun lbr sa gurina? Nace, kun dibi kama,
sannan kayi mun batun da yayi min a lokacin baya,
wato na buga kudi, yace, fada mun yanda kukayi dashi,
na kalmashe kafa. Na zaiyana mushi yanda mukayi da
shi, yayi dariya. Banyi mamaki ba lokacin da yace, wai
hafsat me na kara ne kika kasa ganeni. Alhalin ni kuwa
tun lokacin da muka daukeki zuwa wajen buki rahama
da sagir na ganeki, duk da da yarinyace kwarai kuma
siririya, in kina yar gala-gala takar yar siririyar kafar ta
karye. Nace dama kaine? Sunanka abubakar sadeek?
Nce wallahi ban ganeka ba, idanunka dai in nakala sai
inga kamar na taba ganinka, kai gaskiya fa tunda muka
hadu kake taimako na, na gode Allah ya saka maka da
mafificin Alkairi. Sannan ina so ka yafemun rashin
kunya da rainin da nayi ta maka bisa rashin sani. Yace,
nifa bakiyi min komai ba, asalima burgeni kikayi, ya kali
kofin gari bance ki daina shan gari ba? Nace shi muke
dashi, yace ina indomie da na sai muku? Ace ba ajiya
ka bani ba? In zan kwana ban ci ba ba zan taba abin
wani ba, yace naku ne fa, banaso muyi jayaya yasa
nace maki nawa ne.
shadad yace uncle bakace ka daina guduwa ka barni
ba? Yace, tafiyar gaugawa ce ta sameni. Ya dube ni
yace wannan zuwan na musan man dan ke, duk da
zuwan da na dun gayi abaya suma dan kene, ki shirya
gobe zamu tauna muhimmin zantuka zan shigo, nace
to. Ya mike ki dafa ma shadad indomie, zakaci ko?
Shadad yace eh, yace to ni zan tafi kada kayi rigima,
zan zo da safe in kaika school. Yace, to uncle, suka
rakashi bakin kofa sannan suka rufe gidan suka dawo.
Tun da na kwanta bayan nayi shafa‘i da wuturi na kasa
bacci. Tunanina wacce irin magana zamuyi? Nasani ba
zaya wuce zai yi mun batun bayan rabuwa ba, domin
nasan zaya iya cewa zai mai dani gida. Niko anawa
ganin lokacin komawata gida baiyi ba, duk da ina ceke
da son kannena, da yaya umar, harma da shi babanmu.
Inna kuwa ita nafi son gani, ina so kafin na hadu da ita
sai na zama wani abu a SANADIN BOKO. Zan wanke
laifina zanyi abun da na kasa a baya, a fili nace
banyiwa inna adalci ba, Allah kada ka dauki raina sai
ka hadani da ita na roke ta gafara. Kuka ya kwace min,
da dakina zaiyi magana da zaice yasani lokacin kuka na
kenan.ringin din wayata ne ya ka tseni, na dauka ina
kalon numbobin, nayi mamakin yanda na hadace
numbobin shi aranar da na fara ganin shi. Nayi salama
muryarsa kasa-kasa bani son ya fahimci nayi kuka, ya
amsa kin soma baci ko? Nace a a yanzunan na gama
shafa‘i da wutiri, yace shadad fa? Nace yayi bacci shi
tuni.
duk mukayi shiru har saida na duba naga wayar na
kunne, nace kana jina? Yace ina jin ki, muryarki nake
son ji ki min hira. Nace wace irin hira? Yace ko wace,
ina jinki. Me kakeso mu tautana gobe? Yace wannan
sai gani gaki, nace to Allah ya kaimu, yace amin.
Yauwa, ummi tace in gaisheki, bansam me yasa naji
faduwar gaba ba, nace wacece haka? Yace kanwata,
itace autarmu. Nace to ina amsawa. Ya akayi ta sanni?
Yace, duk dangina sun sanki, labarina ka basu? Yace,
eh, to me kace masu? Yace, zan fada maki shi gobe.
Nace, to wai meyasa ka damu da ni tun farkon ganina
ina yariya kake ta taimako na? Yace kila Allah yayi nine
kawai don in taimakonki, kila watarana kayi min gori,
shiyasa bana karbar taimakon maza, ko kasa in saka
maka da wani abu wanda bani da izini a kansa. Yace,
me kike nufi? Yaci gaba, kada ki damu kanki, ni bakince
rance nake baki ba, zaki biya ni, nace dame zan
biyaka? Naci gaba da cewa, kai baka cikin wadanda
zasu cuceni, kai na daukeka yayana ciki 1. Yace a a
kada ki dora min dutsin da zai shiga tsakanin halas da
halas, nace kamar yaya? Yace sai dai nazo gobe, yace
kiyi bacci dani a ranki zakiyi mafarki innazo kifada min,
goog night. Ya kashe wayar. Nayi shuru ina so in tono
abubuwan da mika tau tauna, amma na kasa, illa
kalmarshi ta karshe da yace kada nashiga tsakanin
halas da halas, dan kawai nace shi yaya nane na
daukeshi uwa daya uba daya? Kamar yanda na saba
duk bayan sallah asubahi sainayi azakar, haka da
magariba. Yanzuma na gama namike na cika bokiti
daruwa na nufi wanka. Da nafito nazo na tashi shadad,
yana bude ido nace mashi adu‘ar tashi daga bacci kada
ka manta. Nan take ya karanta. Na sunkuce shi sai
bayi, nai masa wanka nasashi yayi alwala, na zura
mashi jallabiyar sa mai gajran hannu wanda na sai
masadon yin sallah. Nace to maza yi sallah kuma kayi
adu‘a yace to. Na koma na dauko sabulun da mukayi
wanka dama na wankine nazo na wanke muna
kayanmu, cikin raina ina mitar kayan shadad duk sun
kode inna sami kudi zan sai mai wasu. Tsaf na
shiryashi cikin kayan makaranta na dafa mashi indomie,
na share ko ina gyara. 7 da rabi na gama komai, sai
kurum naji bugun gida, nazaci dan a daidaitana ne sai
da na bude naga Abubakar tsaf cikin riga da wando
blue jeans, riga baka. Takalminshi sau ciki bakake,
sumarshi tanata sheki baka wuluk. Kamshin turaren
jikin shi ya cika gurin, ya shigo shadad ya kwaso da
gudu ya nufo shi. Sama ya dagashi yana cewa, serious
student, har ka shirya? Nace, bari nayi maka shin fida.
Yace a a zo mu kaishi tukunna. Na saka hijabi muka
fita, muna direshi a makaranta yace min shifa yunwa
yakeji, nace to yanzu yaya za‘ayi? Mukoma gida
inmaka indomie. Yace an ta cin abu 1 kenan? Muje
gurin abinci nikam yau masa zanci, nace nifa bana son
abin siya, nafi son komai inyishi da kaina, yace zakiyi
min masa? Muje kasiya lokaci ya kure.a zatona in
yasiya gidanmu zamuwuce, sai naga mutum ya nufi
wata hanyar, masaukin sa ya kaimu na dube shi
gaskiya sadeek ba zan shiga hotel ba, babu mutunci
gareni matsawar aka gani cikin nan. Yace nafiki kishin
hakan, ba dan dani bane zamu shiga nan ba zan
aminbe ki shiga ba. Muka shiga daki tamkar a gidanka.
Ya zauna wai muci waina, nace a a ba zanci ba. Yayi
nace ni bana cin masa, nama karya fa. Yace ban yarda
ba kice dai kina jin kunyata, nace nifa na kosa inji
maganar da zamuyi, inada kagara. Yace, bari in gama.
Sai da ya koshi ya dora da ruwan shayi da yasa aka
kawo masa, sannan yace to kafin inyi maganata, zanyi
maki tambaya 1 rak! Nace to, kina da aure? Nace a a,
yace to gaskiyar magana ba wata kwana ko dogon
turanci, ina sonki zan aureki nan da yan watannin da
basufi 2 ba....da sauri na mike saboda zantukan da naji
suna yawo a kwanyata, na nuna shi, kana sona? Ni
kake so? Na bubuga kirjina, yace com down my hafsy,
ki tsaya mu fahimci juna. Jikina ya soma bari, jin ya
ambaceni da hafsy, sunan da munnir ke kirana dashi,
da ina son sunan aman yanzun in da sunan da na tsana
to shine. Nace, nina sani, dole dawainiyar da kayi ka
nemi ka fanshe, to karya ne kakeyi ba kai bane wannan
bawan Allah mai tai mako don Allah, kaima cutata kake
sonyi. Da gudu na nufi hanyar fita ban san ya akayi ba
kawai na tsince shi gaba na yayi key din kofar. Yace, ki
saurare ni, bana nufinki da komai sai Alkairi, nace bana
so. Jikina kake bukata. Tsaki yaja ya koma ya zauna
yana kallona, na jingina da kofar ina kuka, har na gama
bai hanani ba. Yanata dan ne dannen wayar shi, nagaji
nace ka bude mun kofa, yace in kinga kin fita anan to
kin saurare ni, kuma amsar cewa kina sona zaki aure ni,
nace bana sonka. Yayi murmushi, karya kike kina sona,
haushi ya kara kamani, nace ni bana sonka, Allah ka
bude mun kofa in tafi abina.Maimakon amsa da naga
ya mike ya nufi gadonsa ya cire rigarsa da farar
singileti, ya hau gadon ya kwanta, kauda kaina nayi ina
tura baki, ina cewa indai sai nace ina son ka sai dai mu
shekara a haka.
Wasa wasa har lokacin sallah yayi, ina kallon shi
lokacin na gaji da tsayuwana tsuguna, yayo alwalar shi
ya tada sallah. Nazo kan gadon na dinga neman key
har ya idar ban gani ba, na koma inda nake, ya kira
wayar Sagir wai don Allah ya fadawa Rahma karfe biyu
taje makarantar su Shadad ta dauko shi ta tafi dashi
gidansu, mu munyi tafiya.
Ya dube ni, ki shiga kiyi sallah, na ce in naki fa? Ya ce
ki gamu da Allah. Ya fada kan gadon shi ya ci gaba da
bacci. Ina ta neman makullin ina sanda, amma Allah
baibani ikon ganin sa ba, don haka naje nayo alwala
nayi sallah. Ina zaune ina tunanin anya kuwa wannan
dan tahalikin cutata zaiyi?
Amma bari ya tashi na gwada yi masa dabara duk da
naga shima kar yake kallo na, amma da macucci ne da
tuni ya aika abinda zuciyarsa take so.
Daf da la'asar ya farka, ya shiga bayin nake zaton ruwa
ya watso da naga ya jima kuma ya shiga da wasu
kayan, ya fito yayi sallah, sannan ya ce nifa ina jin
yunwa. Na hada rai na ce to ni ina ruwana, ya ce ke
mijinki yana jin yunwa zaki ce ina ruwanki? Na ce ni dai
ka bude ni in tafi. Ya kira waya wai a kawo masa jalof
din shinkafa da farfesun koda.
Ya dube ni me zaki ci? Na ce nidai burin in bar nan, ya
share ni. A raina na kudurce ana kawo masa abincin
zan fice koda tsiya, amma ana danna kararrawar kofar
sai naga ya zuge gilas din window yayima ma'aikacin
magana ya amsa, ya zauna yana ci yana waya da
Hashim cikin fillanci jifa jifa yakan sako hausa, anan ne
na gane zancena yake yi, lokacin da yake cewa Allah
Hashin in zamu shekara anan sai randa ta saurare ni
zata fita, ya sake juyowa ya ci gaba da fillanci.
Ni kuwa nayi zugum kamar wacce take neman gafara,
ganin yamma tana kara yi bansan abinda zai biyo baya
ba idan dare yayi, don haka na ce bari na saurare shi,
kafi sannan bari na gwada dabarata ko da lalata yake
sona.
Sai da ya gama wayar na ce to naji zan saurare ka,
amma banda yau. Don yau ina azumi ne, in ma jiki na
kake so ka bari gobe zan baka. Ya dube ni da sauri,
jikinki? Ina jikin kin yake? Ya ja tsaki banga jiki anan ba,
ni ke nake so, zatinki na ke so ba jikin ki ba, kin tsaya
kina zabga min karya wai kina azumi.
Ki tsaya muyi magana shine mafita, amma har wani jiki
kike dashi? Na ce in ba jikina ba me kake so? Ya ce
halayenki da ke kanki nake so, inna sauraroka, yi
batunka. Ya ce tashi ki matso nan dan bazan iya daga
murya ba kamar fada.
Na dan matsa ya ce bana bukatar sai kince kina sona,
na riga naga sona a idon ki, fada min inda su Baba
suke in tura magabata na, nayi shiru, tunani nake ga
garin zuwa amma babu zanin daurawa, lallai zanso
haka sai dai nasa in Abubakar yaji labarina bazai aure
ni ba. Sannan in shi ya yarda iyayen shi baza su yarda
ba. To ni da na shigo duniya ma yaya za'ayi mutum
mai mutunci ya aure ni? Yanzun ma ina zan san inda
iyaye na suke?
Tunda nasan ba gidan kanshi yake ba, gidan haya ne
kila yanzun ya tashi...
"Ba ki bani amsa ba." Ya katse ni. Na ce ni fa kaga ka
kyale ni, bazan aure ka ba, ya ce nasan kina tunanin ki
fada min kin taba aure kada in ce bana son bazawara,
to kin min kuma zan aure ki a haka. Shike nan? Takaici
ya sa wasu hawaye zubo min, nace a raina da na taba
aure me zai hana ni fada?" Ya ce ki fada min
damuwarki bana son kuka.
Na ce, ina rokon wata alfarma a gurinka, don Allah ka
zauna a matsayin yayana, mai bani shawara in bukatar
hakan ta taso, ka zam mai min fada a duk lokacin da
nayi ba daidai ba, na dube shi in nayi abin duka ma ka
doke ni....." Na fashe da kuka tare da sa kaina cikin
hajabi.
Ya zo ya tsuguna a gabana, ban sani ba sai da naji
muryarsa dab dani. Abin zaifi armashi idan kika amince
na zama mijinki majibancin lamuranki, mai saki cikin
farn ciki, mai kare lafiyarki da mutuncinki, hanyar shiga
aljannar ki.
Hafsat ina so da kaunarki, ki amince. Wallahi nasha
alwashin zama dake har karshen rayuwata, bazan sake
ki ba yanda mijinki na baya yayi, zan rike danki tamkar
ni na haife shi."
Na dago ina kallon shi, shi zatonshi na taba aure mijina
ne ya sake ni, ina ma ace haka ne? Da tuni nayi
magana. Na ce kayi hakuri duk ba wannan bane, don
Allah ka kyale ni kawai yanda ka ganni." Shima shiru
yayi. Can ya ce. "To naji, yanzun ki fada min inda
mahaifanki suke kawai." Na ce ban sani ba, wallahi ban
san inda suke ba. Ya ce to shike nan share hawayen
naki in maida ke gida.
A cikin mota ni dashi kowa tunanin shi daban. Motar
tsit kamar babu kowa a ciki. Shi a tunaninshi kila bayan
nayi aure baban Shadad ya sake ni nabar gida, kila
Iyayena suna son in koma gidan mijina ni kuma naki.
Ni kuma tunani na shine zanso matuka Abubakar ya
zama mijina, don wannan gata ne Allah yayi min in dai
na same shi a matsayin miji. Amma nasan da wahala in
zai ji labarina ya aure ni. Ya tsaya kofar gidan mu jikin
sa sanyaye, ya kifa kanshi a sitiyarin mota. Na bude
kofar motar tare da cewa sai anjima.
Ya zaro wayata daga aljihunsa na baya ya mika minn ni
na manta ma ina da wata waya, na karba jiki babu
kwari na shiga gidan sukuku, nayi sallolina na zauna
cikin tagumi , Allah nake roko ya zaba min mafi
alkhairi.
Misalin karfe takwas suka shigo shi da Shadad, yau har
cikin dakina ya shigo, Shadad ya zauna a jikina shi
kuma ya tsaya da leda a hannun shi. Ya ajiye min
ledar. "Kici wani abu zan kira wayarki anjima. Gobe da
safe zan wuce kila na biyo."
Sai naji har raina bana son tafiyar tashi, sai dai bani da
izinin hana shi. Na bude ledar kaza ce da madara mai
sanyi, rabona da cin kaza tun lokacin Hajiya Hindu
Likita, Allah ka yafe mata har in gushe bazan daina
mata addu'a ba.
Na ci na koshi, Shadad dama da guntun baccin shi ya
shigo, yana zuwa yayi bacci. Nayi shafa'I da wuturi na
kwanta. Sam bana jin bacci zuciyata ce ma take ta
azazzala ta tare da fada min bazata juri Abubakar ya
subuce mata ba gara ma in san abin yi. Na kosa ya kira
ni, sai gurin sha daya da rabi lokacin na debe tsammani
da kiran sai ga wayata na ruri.
Na daga da sauri don marmarin jin muryarshi.
A tare muka yi sallama, sannan muka kara hada baki
gurin amsawa. Ya ce kin fara bacci ne? Na ce a'a" ya
ce ki fada min tsakani da Allah ki kasa bacci saboda
menene?" Na ce bazan iya ce maka ga dalili ba." Yayi
shiru, can yace sona ne ya hanaki bacci kamar yanda
sonki ya hana ni.
Muna son juna mezai hana ki bani hadin kai muyi aure?
Duk abinda kike so zan maki Don Allah ki tainake ni
Hafsat."
Muryata can kasa, jikina yayi lukwi nayi juyi zuwa ruf
da ciki. Sannan na ce in nace ba jin wani abu mai
kama da so a tare dakai, hakika nayi karya. Sai dai in
na saki jiki zuciyata tazame da sonka, a karshe zan sha
wahala, duk ranar da kasan who I am.
Ya ce ki fada min komai, bazan taba gudar ki ba, don
kin sami wata matsala ko kina da matsala da iyayenki
zan fahimce ki sosai. Na ce zan fi so in kabar batun
aurena, ya ce in yi yaya da sonki to?"
Na ce hakuri mana, nima hakuri zanyi." Ya ce amma da
gaske kina sona? In na duba wasu abubuwa zan iya
yarda cewa ina sonka, kai kadai ne kasa ni in manta
alkawarin da na dauka na cin mutuncin duk wani namiji
da yayi min kallo fiye da daya.
Kaine kake sani inyi abinda ban niya ba. Ya ce har kin
sani naji sanyi a zuciyata, don Allah ki taimaka muyi
aure. Gidan mu an matsa min in fito da mata, yanzun
haka an bani lokaci." Na ce dama baka da mata? Ya ce
ina da mata, na ce to bazan taba auren ka ba don na
san wata rana zata yi min gori.
Da saure ya ce bani da mata wasa nake maki. Na ce
duk da haka kayi auren ka ni bazan iya aurar ka ba,
hirar mu daga jayayya sai zance soyayya, tare da
magiya. Abin al'ajabi sai na jiyo kiran sallar farko.
Na ce, "Sadeek kaji abinda naji kuwa? Ya ce me? Na
ce, kiran Sallah fa." Ya dubi agogo yanzun nan fa muka
fara magana, na ce shi ne nima na gani, to zaka shigo
kafin ka tafi? Ya ce bazan shigo ba, kuma bazan sake
zuwa kano ba tunda kince baza ki aure ni ba, kin kuma
ki fada min dalili. Bance komai ba har lokacin da yace
min sai wata rana, ya kuma kashe wayar shi.


Zaharaddeen Shomar
whatsapp 08168575100


Sanadin Boko 2-7
Posted by ANaM Dorayi on 11:27 PM, 19-Sep-15
Under: SANADIN BOKO
Munir ya dubi mahaifiyar shi, fuskar shi babu walwala.
Ta ce ya akayi? Ya mika mata takardar hannun shi,
sakamako ne na gwaji ya amso, da sauri ta mike tsaye
HIV? Subhanallah! Muje wani asibitin, ya ce Momy tun
daga Dubai suka fada min ban yarda ba, sai da nazo nan
na sake yi har kashi biyu, ta dauki waya jiki na bari ta
kira Dady a waya.
Kuka ta saka masa tana fadin Munir yana da kanjamau.
Shima Munir din kuka ya saka, a sukwane Dady ya baro
ofishinsa zuwa gida, ganin su cikin halin damuwa harda
kannan shi, sai hankalin Dady ya kara tashi.
Ya ce ku kwantar da Hankalin ku zan shirya mana zuwa
America za a duba shi."
Momy ta ce, zan fi son haka. Shi kadai ne ya rage min
yanzun tunda yayanshi suka yi fada suka kashe kansu a
Maleshiya, yanzun kuma a ce shima yana da kanjamau?"
Cikin kankanin lokaci suka shrya suka tafi. Sai dai kash!
Can ma sun tabbatar yana dauke da ita. Sai dai sun basu
wasu maganguna cewa ya dinga sha, sannan idan sun zo
nan ma ya dinga shansu.
Jiki babu kwari suka dawo.
Sannu a hankali ya hakura ya cigaba da zuwa aikin sa,
yana shan magani. Sai dai koda yaushe yana zargin
mahaifansa sune suka ja masa wannan halin, SANADIN
BOKO. Da sun bari yayi aure ya tabbata baza ya zama
daya daga cikin masu neman mata ba, gashi yayyanshi
sun mutu su biyu. Shi kuma ga halin da yake ciki.
Ya hadu da wata yarinya 'yar mutunci, Usataziyya a rufe
cikin hijabi da nikabi, ya ce yana sonta. Tuni ya fara
zuwa shira.
Yarinya mai suna Nanah A'isha ta amince dashi, sam bai
fada mata yana da ciwo ba, kuma ya gama sheke
ayarshi, kuma yanzun 'yar mutunci yake son ya aura don
cuta.
Iyayenshi ma basu nuna masa abinda zaiyi bai dace ba,
sai ma suka shiga lamarin suka yi dumu dumu suka yi ta
barin kudi aka sa bikin.
Wani daga cikin abokan Munir yayi mata text ta waya
wai Munir yana da kanjamau, ko ya fada mata? In kuma
bai fada mata ba to ta sani yanzun. In kuma tana musu
to ta gayyace shi suje ayi gwajin jini.
Nanah ta firgita kuma ta sanar da mahaifanta. Sune
suka nemi Munir da ya zo suje ayi gwaji, nan da nan ya
zuke daga nan kuma sai ya samu Nanah yana borin
kunya, wai ya fasa tunda iyaynta basu yarda dashi ba.
Ta ce to menene don sunce muyi gwaji, ai ba sai ta
mummunar hanya ba ake dauka, ko malamai sunce ba
laifi bane don anyi gwaji.
Ya ce shi ya hakura, ta ce Allah ya hada kowa da
rabonsa.
Gida uku yana neman aure amma ana dagaoshi, bakin
cikinsa ya karu. Dole ya koma wajen tsohuwar
budurwarshi wadda suke rigima suna zargin junan su.
A nashi tunanin ita ce ta sak mishi, ita ma tana tunani
shi ya saka mata. Ya ce mata suyi aure kawai tunda
suna shan magani, ta amince nan dai iyayen su suka
shiga barin kudi tunda duk suna dashi.
A yawon amarcin su ne suka je America aka duba su in
da Likita ya tabbatar masu zasu iya zama indai suna
shan magani, sai dai yana gani da wuya su sami
haihuwa.
Su basu damu ba, amma da suka zo gida Momy ta
damu. Ta fadawa Dady cewa ita yanzun ba za ta samu
jika ba a wurin yaranta maza?
Ya ce kada ta damu, tunda ga 'ya'yanta mata. Haka suka
ci gaba da zama shi da matar shi a unguwar Kinkinau.
Sai dai kullum yana cike da bakin cikin ciwonshi, wanda
yake danganta shi da iyayenshi duk SANADIN BOKO.
***************
Baba ya dubi Umar ya ce, "Tunda ka yi aure ka kwashe
kannanka baka son zuwa duba ni, gashi bani da lafiyar
da zan fita nema.
Ya ce "wallahi Baba bana son zuwa ne in ban sami dan
abinda zan riko muku ba, yaran nan kuwa na kwashe su
ne dan kuji saukin kudin haya.
Nima can kasan buga buga ce kawai. Bus din tawa
kwanan nan kudi kawai take ci kullum sai nayi gyara,
Allah ya taimaka.
Umar ya ciro dubu daya ya bashi tare da cewa "Ga
wannan sannan ga doya nan" ya ce na gode Allah ya
saka da alkhairi"
Baba ta shigo ta ce, "Mun gode Umar Allah ya ba da
lada."
Har ya mike zai fita, ya ce Umar zomana" Ya dawo ya
zauna. Baba ya yukura, Babah ta kama shi ta sa mishi
filo a bango ya jingina.
Ya dube shi dakyau.
"Umar wai har yanzun babu labarinHafsatu ne?" Umar
ya daure fuska, shi kam in karatune wannan tambayar
to ya jima da haddace ta.
Babah ta ce "Malam kai ne fa da kanka ka kore su, ba
dole suyi nisan kiwo ba? Gara ma innar su sunsan inda
take, amma Hafsa yanzun wayamasan tana mace ko a
raye oho.
Umar ya mike tare da cewa, "In da rabon ganawa za a
gana." Baba ya ce, "Umar ina cike da nadamar abinda
na aikata.
Hakika ina zaton nine na yiwa Hafsa baki har kaddara
ta fada mata, da ina mata addu'a da bata shiga wannan
halin ba, ko dai zaka sa cigiya ne?
Umar dai gani yau Baba yafi kullum rudewa akan batun
Hafsat, sai ya lallaba shi da cewa.
"To Baba, za a cigita kada ka damu" ya ce to Umar, a
cigita. Allah yasa a dace."
Tabbas tun bayan rabuwar shi da innar su Hafsat yaga
matsaloli kala kala, ga ciwo ya sa shi a gaba, wai suga
ya kwanta a asibiti har sau biyu.
Umar ne ke ta fama dashi, don ma Allah ya taimaka
Innar su ta sa shi ya saida mashin din ta cika masa ya
sai Bus ya diban lodin kasuwa daga Rigasa.
na dama ta shige shi yanzu tun da ya rasa matar shi
fatansa ya samu yar. Cikin haka ne umar yaga yar uwar
inna mai suna murja a wata ziyara da ya kai
munanfashi. Yace yana sonta itama ta amince, nan aka
kare komai inda aka sha buki,tare da dan madaidai cin
gidan da ya kama mai daki 3 don haka ya kawo kannan
shi zuwa gidan. Tun baba yana dan fita har ta kai baya
iya fita din ma, ga ka‘idojin abinci, gashi ba kudi. Yanzu
baba bashi da burin da ya wuce yaga hafsat, shikam
umar ya kance bai san inda zaije yaga hafsat ba, domin
yayi bakin cikin abin da ya faru. Kuma hafsat itace silar
rabuwar iyayen su, shi sam bai ga laifin baba ba, tun
da dai dai gwargwadon ilimi ta samu, sun dage sai tayi
jami‘a, to ga abinda ya biyo baya yanzun.
**************
Haka inna anata ban garen tana zaune lafiya gidan
mijinta, da yayan taguda 2. Kuma duk sanda umar yazo
takan tambaye shi ko ya sami labarin hafsat. Yace,
inna ki daina batun hafsat, babu inda za‘aje nemanta.
Ita tasan inda muke, inda muna ranta kamar yanda take
ranmu da tuni tazo koda zamu kashetane. Kum inna ya
kamata ki sauwaka ma kanki batun ta, dubi yanda
tabaki kunya, ta zubar da kimanki ta kashe aurenki,
dan kawai kin tsaya mata ta sami gishirin zamani, wato
ilimi. Ta miki sakamako da haka. Inna tace, ina zaton
kadarace ta fadawa hafsat, yanzu da tatafi ba asaniba
ko tana raye ko tana a ma ce, kilama ta mutu gurin
haihuwa. Umar yace, to muyi adu‘a kawai Allah ya yafe
mata. Inna tace, amin. Amma nafi dora laifin kaina.
Don da lokacin da mahaifinku yace bayaso tayi boko da
na hakura da yanxu ban bar yaya na ba. Da yanzu bata
gudu ba. Umar yace duk mu bar wanan ga kadara,
Allah shine mafi sanin da lilin da hakan ta
faru,tsakaninta da mijinta akwai mutiny's juna, haka
nan ya yansa ta hada da nata yayan ta sunguma.
*********
Abubakar ya dawo gida cike da rashin kwarin gwiwa.
Cikin kwanakin duk ya canja ba kwanciyar hankali.
Ummi ita ce ta fara gano haka acikin gidan su, ta
dunga matsa mashi da son jin matsalar shi. Yace, kinyi
kan kanta da in fahimtar dake halin da nake ciki. Tace
zan gane hmma. Yace nida hafsat muna son juna, sai
dai a kwai wani dalilin da take ganin zai hana mu aure
wanda ban san dalilin ba. Kiyi shuru da bakinki kada
wani a gidan nan yaji wannan zancen. Ummi tace,
hmma ina tunanin zaka iya shawo kan kowace matsala
da zata hanaka auren anty hafsa. Tunda ka iya shawo
kan lamido ya yarda ka aure ta. Abinda ko iyayenmu ba
zasu iya kwatanta hakan ba. Kai sadauki ne, kana da
nasara a kan duk abinda kasa a gaba.ina ji ajikina zaka
auri anty hafsa. Dadin kalaman ummi sun karfafa mishi
gwiwa sosai, har ya bata kyautar wayar da take ta
nacin ya bata. Da yace sai ta gama secondary. Amma
yana bukatar ya kara natsuwa kafin yagane ta in da zai
shawo kan matsalar. Ko da ya fada ma Hashim cewa
hafsat taki, tace ba zata aure shi ba saboda wasu
dalilai nata. Hashim yace, kada ka damu zamuje tare
kuma zata yarda. Amma yanzu abinda nafi so ka
nutsu, iyayanmu su san ka karbi fadi. Dan haka yau
dadadare zamuje zance. Daga ofis super market ya
wuce inda ya siyo kayan shafe-shafe da tande-tande
dan suyi tsaraba. Lokacin da fadi ta nufo su abubakar,
ya zuba mata ido. Gaskiya tana da kyau, sai dai baya
jinta a rai kamar hafsa. Ta zauna suka gaisa, tace ya
dawo lfy? Yace lafiya lau. Hashim yace, mun zone
dama mu dan gaisa. Amma yanzu bari in matsa ku
zanta ke da yallabai. Abubakar yace kaje ina, kamar dai
zamu shekara? Bai saurari Abubakar ba, ya fita.
Fadi tace, don baka sona shi ne zaka ce wai sai kace
zaku shekara? Ni to ina son ka. Ya dube ta kin ji
abakina cewa bana sonki? Tace, banji ba, amma naji
yanda kaita kokarin doje ma aurana. Ni kam ko wane
lokaci nayi sallah ina fada ma Allah cewa ya bani kai
amatsayin miji na, gashi ya amsa. Ranar da aka kawo
mintin bai kon mu da sa rana ban iya bacci ba don
murna, gani nake daga bacci ya debe ni zan farka in ga
cewa ba gaskiya bane. Zugun abubakar yayi yana kalon
kasa, wannan al‘adar tana cikin al‘adun da ya tsana a
mata. Ba wai haramun bane mace tace tana son namiji,
amma a kalla kijira ya fara furtawa. Shi yasa yake son
hafsa, don tana da kamun kai. Shi a nashi ra‘ayin in dai
mace zata fito tace tana son namiji ba mijinta ba, ko
kuma shine yazo da da‘awar son shi gurinta ta amsa
mashi ba. To wannan bata cika mace ba a nashi
ra‘ayin.........ta katse shi. Na san waccen yarinyar da
kake nema ta kano din tafi ni kyau ne ko? Ya dago kai,
please ki muyi maganar da ta shafeni da ke, bana so
kina saka hafsat. Tayi dan diM, can tace shi kenan.
Yanzu wane shiri zamuyi? Ya kamata bukinmu yazo da
sababin salo na burgewa acikin zuri‘ar mu. Yace, ko?
Tace, sosai kuwa. Yace, to ki rubuta duk abinda
kikeson ayi, in yaso in nazo zan gani. Ya mike zan tafi
gida, ga yar tsaraba nan. Ya nuna mata lader. Cikin
doki tace, amma na gode. To yanzu har zaka tafi
bamuyi wata fira ba sosai. Wani lokacin in nazo zan
dade. Ta rako shi har bakin gate in da hashim yake
tsaye da jamilu yayan fadi. Suka gaisa da jamilu, inda
ya shiga jin jina masa da cewa ya gode da wanan
jahadin da yayi a gurin lamido, inda ya samo musu
yanci. Abubakar yace au! Kai ma kayi farin ciki ne?
Jamilu yace, ba dole ba, don yarinyar da nagani
zuciyata ta so ba yar zuri‘ar mu bace. Son yarinyar ya
shige ni a kudu muka hadu da ita lokacin da muka je (N
Y S C) Allah ya shi maka albarka bayan bukinka zanyi
maganar tawa. Abubakar yace Allah ya taimaka, mu
kam bari mu tafi.
sati 2 tsakani da zuwan shi kano, lamido ya kirashi to
kasan lokaci yana gabatowa, don ha sai kafadi inda
iyayen yarinyar nan suke saboda aje a kammala da su
suma. Zufa ce ta soma tsatsafo ma Abubakar, amma
sai yace, am.....dama mahaifinta yayi tafiya ne shi
yasa. Amma idan ya dawo sai in fada muku saboda ya
riga ma ya san da maganar, kuma su a shirye suke.
Lamodo yace, to cike da damuwa ya fito, dole ne ya
koma kano gobe sai sai ya takurawa hafsa don yasan
abinda take ikirari zai hana auren su. Ya kira phone din
hashim yace, ka shirya gobe juma‘a zamu shiga kano,
sai mujuyo ranar sunday. Hashim yace, to
*******
Nikam tun ranar da abubakar ya tafi na shiga halin
kunci da damuwa. Na rasa dan ragowar farin cikin da
ke tare dani. Ina zuwa makaranta da gurin aiki, amma
bana iya cin wani abu. Ban amince ina son abubakar ba
sai yanzu. Har shadad yafini hakurin rashinsa, duk da
cewa sun shaku matuka. In nayi kamar in kira lanbobin
da ya bani sai in fasa. Nace, kai gara in koyi yanda
zanyiwa kaina fada, in hori zuciyata ta saba da rashin
sa kada in zurma da yawa in kamu da ciwon zuciya a
banza. Don nasan babu mai hankali da zaya aureni. Kai
akwai daran da na rabashi ina kuka. Ba zance irin
kukan da na saba bane, wannan kukan son abubakar
ne. Yau satin mu 2 rabon mu dashi. Ina zuwa ne cikin
aji, duk da hankalina yana gurin malamin amma har
yayi ya gama ba zance ga kalma 1 da yake fadi ba.
Tunanin Abubakar sadeek kawai nake yi. Na san abaya
na so munnir amma ban shiga irin wannan ma
tsanancin halin ba. Wani irin abubuwa nake ji game
dashi, waddanda ba zan iya fasrasu ba. Kenan da ba
son mannir nayi ba. Kenan da shirme nakeyi. Ya
rintace tasa nake ganin kamar son shi nake. Karshe ya
cuceni, shima dama ba sona yake yi ba sha‘awa ce.
Gashi dalilin abin da yayi min yasa na rasa abubakar
sadeeek.
har aka watse cikin aji ban sani ba. Da yake ni ba kawa
ko aboki gareni a makaranta ba, babu wanda ya kulani.
Kasancewar ko yaushe cikin daure fuska nake, masu
son kulani ma tuni sun watsar dani, saboda rashin
fuska. Ringing din wayata ne ya dawo dani daga
tunanin da nayi zurfi acikin sa. Jikina lakwas na dauka.
Nasan rahama ce, tunjiya take min nacin inje tana
nemana, ba tare da na duba fuskar wayar ba na kaita
kunnena. Muryar da tayi min sallama ce tasa naji na
watsake. Bansan na mike tsaye ba, ina cewa.
Wa‘alaikumus-salam. Yace, ina kike ne? Sai na samu
kaina da wani jan aji, ina tambayar wanene? Da sauri
yace, kina nufin baki ganeni ba ko? Nace, eh. Yace,
good! Ki fada min inda kike sai inzo in sameki. Nace,
ban gane kowanene ba ya za‘yi in fadi inda nake? Sai
kurum ya kashe wayar shi. Take naji haushin kaina,
mutumin da nake son gani ruwa a jallo amma yanzu na
tsaya salo. Da sauri na fita na nufi gida, ko in biya in
dauki shadad wai ina zaton yana kofar gidanmu. Ganin
bashi na juya da sanyin jiki na nufi makarantar su
shadad na daukoshi muka nufo gida. Hashim ya kali
sagir yace, kaima kazo muje mu 3 don mu sami
galabarta. Sagir yace, nifa shaknar hafsat nake ji, gashi
tana bani girma kada taga zamu matsa mata. Rahama
tace, ka daure kuje, kila ganin idonka ta sausauta.
Abubakar yace, nifa hafsat nasani tana sona. Dalilin da
take fadin cewa ba zai bari muyi aure ba shine nake
son ji. Sagir yace, to ku tashi muje. Suka mike yana
mitan cewa dan miskilanci irin na hafsa waima nine
bata gane ba yau. Hashim yace, kai dai wannan abu
yayi maka ciwo. Kasani ko kila bata gane kadin bane?
Sagir yace, wannan yanuna kai kadai kake sonta, ita
bata sonka kamar yanda kake zato. Abubakar yace
tabbas tana sona, amma ku muje dai.
Misalin karfe 8 na dare, Shadad ya yi barci, muna kan
tabarma a tsakar gida, ni kuwa lokacin zuciyata ta
kekashen idanuna sun bushe ina ta tunanin ina cewa,
"Ya Allah, dama haka so yake?" Na tashi zaune, na
mike tsaye, na jingina da bango duk banji dadi ba dai,
zuciyata tana tuhumata da cewa nice na bar dama ta,
me yasa na nuna ban gane shi ba? Sai kuma wata
zuciyar tace ki daina saka kanki cikin matsala, ba zai
aureki ba, keda kika yi cikin shege?!!!
Na koma na kwanta, hawaye na sintiri a idona daga
gefen idona zuwa kumatuna, so matsala ne, dama ban
san Abubakar ba, dama ban zo Kano ba, dama ban je
bikin Rahma ba.
Bugun kofar ne ya sani na dawo cikin hayyacina, da
sauri na mike cike da fatan shine, ba tare da na saka
takalmi ba na nufi kofa, ban bukaci na san waye ba na
bude kofa. Ganin shi tsaye ya sa na sauke wata
nannauyar akiyar zuciya, sai kuma Miskilanci ya motsa
na ce, "Daga ina? Ka canja ne ba kace ba zaka kara
zuwa ba?" "Au korata kike? To shike nan bari na koma."
Da sauri na ce, "Ni bance ba, ai ance bakonka
Annabinka, ka iya shigowa." Ya ce, "Zaki ji da gulmarki.
Hashim ku shigo." Na shimfida musu tabarma suka
zauna, shi kuma ya zauna kan tabarma ta kusa da
Shadad yana shafa masa kai, na kawo musu ruwa cikin
jug, na nemi kujera 'yar tsuguno na zauna. Na gaishe
su suka amsa, sai dai shi daya kafe ni da ido yana
kallona, duk da ba wuta sai hasken farin wata, ya ce,
"Ni ba zaki gaidani ba?" Na kalleshi irin hararar masoya,
na maida kaina kasa. Ya ce, "Shine na kiraki dazu wai
kike cewa baki gane ni ba." Shiru nai ban tanka ba Ya
ce, "Ka gani ko Hashim ta gane ni." Sagir yayi dariya,
"Kila bata gane ka din ba." Abubakar ya ce, "Bani aron
hankalinki nan. Shi yasa na kwaso abokaina dan su
zama shaida, da farko ina sonki, kuma ki ban amsa. Ta
dago ta ce Abubakar bana sonka, ba aibu bane dan
kince baki sona, in yaso sai sonki ya zama ajalina,
amma daga yau idan har kinki amince min ba zaki kara
ganina ba koda cikin mafarkine.
Gabana ke faduwa, na ce, "To ai ban ce bana sonka
ba." Hashim ya ce, "Pls Hafsa, magana daya zamu yi
tunda kina da hankali tin taba aure bai kamata mu
tsaya muna wasa da hankulan juna ba." Abubakar ya
ce, "Magana daya ce Malama, kina sona?" Kalma daya
ce da Hashim ya fada ta dagan hankali, wai na taba
aure? Inama na taba auren ai da bazan damu ba, sam
banji maganar da Abubakar yake min ba, su duk sun
dauka aure nayi na haihu, to tun kan na samu matsala
gwara na rabu da shi, sai dai sonsa ya zama ajalina, na
ma rabu da iyayena ballantana shi?
Tsawar da ya dakamin ita ta dawo dani daga tunanin
da nake ya ce, "Kin maidani dan iska ne ina magana
kin min shiru?" Hashim ya ce, "Ki yi magana mana
Hafsa."
Muryata ta soma rawa irinta masu kuka, "Lallai ina son
ka har ba zan iya kwatanta son da nake maka ba. .....


Zaharaddeen Shomar
whatsapp  08168575100


Sanadin Boko 2-08
Posted by ANaM Dorayi on 11:28 PM, 19-Sep-15
Under: SANADIN BOKO
Domin sonka ya shigeni ne a lokacin da nake tunani na
ha'ka dogon rami na saka so a ciki na rufe shi, ina fatan
kowa ya mutu ya huta. Amma abin bakin ciki sai da ya
fito har ya zo ya kama ni, a bisa adalci Abubakar bai
cancanta na zam matarka ba, matsayinka na kamili, kada
ka so kaji dalili ko ka matsa min na fada maka." Na kifa
kaina a tsakanin cinyoyina ina kuka irin wanda yake sa
jiki motsi, gidan ya yi tsit, gidan shiru kamar ba
mutane.Abubakar ya ce, "Malama ki nutsu ki fiddamu
daga tunani." Hashim ya ce, "Baiwar Allah ki nutsu ki
mana bayanin komai, da kin san irin son da wannan
bawan na Allah yake miki hakika da baki masa haka ba,
ni abokinsa ne kuma dan'uwansa ne na jini, Mahaifina
wan Mahaifinsa ne, tare muka taso kamar 'yan 2, ya san
sirrina haka na san nashi, tunda muke da shi ban taba jin
ya ce yana son 'yan matan da suke nacin sonsa ba, na
kosa na ganki mai sa'a." Na dube shi na ce, "Ina son sa,
kuma ina matukar farin ciki ace na samu mutum kamar
Abubakar ya zama Uban 'ya'yana, amma kash!!!" "Amma
kash me?" Sagir ya ce, "Dan Allah ki daure ki fada mana
Insha Allahu za'a samu mafita."
Na mike tsaye, "Ba wai ka aureni ba, da zarar ka ji
matsalar, sirri ne zan fada muku." Na yi shiru, na yi ajiyar
zuciya cikin kudurin gaya musu, "Amma ina so na gaya
maka Abubakar ina sonka, kuma duk lokacin da ka tuno
da ni ka tuna cewar na soka, zan ci gaba da sonka har
karshen rayuwata."
Na kalli Hashim na ce, "Za ka so dan'uwanka ya auri
karuwa? Wadda ta bar gidan iyayenta saboda cikin
shegen da tayi? Ta shiga duniya tana zaman kanta?"
Abubakar ya mike zumbur ya ce, "Cikin in, in, wa? Wa
kenan kina nufin ke karuwa ce? Cikin shege kika yi kika
haifi Shaddad?" Na ce, "Kwarai kuwa, ciki nayi."
Ban ankara ba naji saukar mari wanda idanuwana suka
daina gani na wucin gadi, ya ce, "Tur da haihuwarki, kin
cuceni da kika bar ni na fada son ki, Allah ya isa!" Ya
fice fuuu!!! Sagir da Hashim suka bishi.
Shadad ya farka a gigice sakamakon kukan da na fasa,
na zauna kasa ragwab, ya zo ya fado jikina muna kuka
tare da ina fadin "Inna lillahi wa inna ilaihi raji'un.
Allahumma ajirni fi musibati wa'akhlifni khairan minha."
Mun yi kuka ya ishemu, amma har daga bisan Shadad ya
yi bacci, ni kuwa tuni zazzabi ya rufeni hakanan hawayen
idanuna bai kafe ba, abin da nake tsoro kenan rabuwa da
Abubakar gashi nan kuwa, Ya Allah! Ya ma aka yi na
fada masa zancen a baibai?
Kafin safe ko motsi na kasa yi don zazzabi da ciwon kai,
Ga fuskata ta kumbura sumtum saboda marin da
Abubakar yayi min, ga kuma kukan da nayi, haka muka
kawan gidan ko sakata ban iya samu na sa ba saboda
azabar ciwo.
Da asuba da kyar na iya tashi nai alwala, a zaune na yi
Sallah, Shadad ma Sallah kawai yayi dan ba zan iya yi
masa wanka ba, har 8 ina kudundune ban san me zai
biyo baya ba.
Shin Abubakar zai iya rabuwa da Hafsat? Ko Munnir yana
sane da cikin da yayiwa Hafsay? Baba fa da bangaren
Inna kuwa suna ganin Hafsa?
Duk amsar tambayoyin nan
Sae kun biyo mu a littafi na 3
Godiya gareku


Zaharaddeen Shomar
whatsapp 08168575100        Downloaded from GNOVELS.COM.NG
        
 
This Novel is downloaded from https://GNOVELS.COM.NG
to download more hausa novels visits our site at www.GNOVELS.COM.NG 

For feedback and support

Facebook : https://facebook.com/gnovels 

Twitter : https://twitter.com/gnovels 

Telegram : https://t.me/gnovels